សឹងមិនជឿ Nokia 6 លក់នៅខ្មែរ តម្លៃទាបជាងប្រទេសដទៃទៀត

2017-07-20 02:28:28
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្មីៗតំណាងក្រុមហ៊ុន Nokia ផ្លូវការនៅប្រទេសកម្ពុជាបានប្រកាសពីការដាក់លក់ Nokia 6 ក្នុងតម្លៃត្រឹមតែ ២២៩ ដុល្លារ ដែលនឹងចាប់ផ្ដើមលក់សប្ដាហ៍ក្រោយ។

បើមើលលើតម្លៃ Nokia 6 នៅទីផ្សារប្រទេសកម្ពុជាឃើញថាទាបជាងតម្លៃលើទីផ្សារប្រទេសដទៃទៀតដែលចេញលក់មុនកម្ពុជា។ ជាក់ស្ដែងដូចជានៅប្រទេសចិនដែលមានចេញលក់មុនគេបង្អស់មានតម្លៃ ១ ៦៩៩ យ័ន ស្មើប្រមាណ ២៥០ ដុល្លារ ។ បន្ទាប់មកទៀត Nokia 6 ក៏បានទៅដល់ទីផ្សារប្រទេសហ្វីលីពីនក្នុងតម្លៃខ្ពស់ដល់ទៅប្រមាណ ៣៧០ ដុល្លារ ឯណោះ។

បន្ទាប់មកទៀតនៅខែឧសភា Nokia 6 ក៏មានចេញលក់ជាផ្លូវការនៅលើទីផ្សារប្រទេសវៀតណាមក្នុងតម្លៃ ៥ ៥៩០ ០០០ ដុង ស្មើនឹងប្រមាណ ២៤៦ ដុល្លារ ។ ចុងក្រោយគេគឺ Nokia បានទៅដល់ទីផ្សារសហរដ្ឋអាមេរិកកាលពីដើមខែកក្កដាក្នុងតម្លៃ ២២៩ ដុល្លារ ។ ប្រៀបធៀបទីផ្សារទាំង ៥ ឃើញថានៅកម្ពុជា និង សហរដ្ឋអាមេរិក មានលក់តម្លៃទាបជាងគេ។

Nokia 6 ជាស្មាតហ្វូនធន់មធ្យមមួយដែលបានប្រកាសចេញក្នុងប្រទេសចិនកាលពីដើមខែមករាកន្លងទៅ។ លក្ខណៈសម្បត្តិមានដូចជាអេក្រង់ទំហំ ៥,៥ អ៊ីញអាចបង្ហាញរូបភាពក្នុងកម្រិត 1080x1920 FullHD, ដំណើរការបន្ទះឈីប Snapdragon 430, RAM ទំហំ ៤ GB, អង្គផ្ទុកទិន្នន័យ ៦៤ GB។ កាមេរ៉ាខាងក្រោយមានទំហំ ១៦ MP និង កាមេរ៉ា Selfie មានទំហំ ៨ MP៕

ចុចអាន៖

អត្ថបទ៖ សុខហេង