យ៉េយ៉េ ទទួលស្គាល់ថាពីមុនខ្លួនជាខ្ទើយអត់តម្លៃ

2017-07-24 03:11:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈទទួលបានការគាំទ្រច្រើននាពេលបច្ចុប្បន្ន ក្នុងនាមជាភេទទី៣ យ៉េយ៉េ មិនភ្លេចក្រឡេកមើលទៅអតីតកាលរបស់ខ្លួនឡើយ។

តារាកំប្លែងដែលមិនសម្រកទម្ងន់របស់ខ្លួនព្រោះខ្លាចបាត់ប្រជាប្រិយភាព កញ្ញា យ៉េយ៉េ បានឆ្លងផុតពីដំណាក់គេមិនឱ្យតម្លៃ រហូតទទួលបានការគាំទ្រច្រើន បានរំលឹកពីអតីតកាលរបស់ខ្លួនថា ពីមុនគេអាចនិយាយថាខ្លួនជាខ្ទើយមិនមានតម្លៃ។ នាងបន្តថា ពីមុនត្បិតប្រជាជនកម្ពុជាមិនសូវរើសអើងភេទទី៣ក៏ពិតមែន តែក៏មិនទាន់បើកចំហនៃការទទួលស្គាល់ច្រើនដែរ ដើរទៅណាមកណាឮតែពាក្យគេពេបជ្រាយ ថាខ្ទើយហើយអាក្រក់ទៀត។

"ពីមុនហើយ និងឥឡូវខុសគ្នាដាច់ស្រឡះ បើនិយាយឱ្យអាក្រក់ស្ដាប់ទៅ ពីមុនគេអាចហៅថាជាខ្ទើយដែលអត់តម្លៃ ទៅណាមកណាតែងតែមានគេពេបជ្រាយហើយ។ ទីមួយឃើញភេទទី៣ហើយ យើងធាត់ហើយអាក្រក់ទៀត ទាំងគេទាំងយើងតែងតែមានការភ្ញាក់ផ្អើលហើយ ខ្ទើយអីក៏អាក្រក់ម្ល៉េះ ខ្ញុំក៏ទទួលស្គាល់ខ្លួនឯងដែរ។ ប៉ុន្តែផ្លាស់ប្ដូរមកដល់ឥឡូវ យើងអាចឈរនៅកន្លែងនេះ យើងជាតារាមួយរូបដែលមានការគាំទ្រច្រើនពីពុកម៉ែបងប្អូន អ៊ីចឹងផ្លាស់ប្ដូរពីការសើចចំអក យើងទៅណាក្នុងចំណោមមហាជន តែងតែឮពាក្យថាអ៊ូយ idol បងពេញចិត្តអូនឯងសម្ដែង"៕

អត្ថបទៈ ប៉ូ សាគុន