ចង់យល់ពីការថត Macro មែនទេ? តោះមើលនៅទីនេះ

2017-07-22 06:35:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ការថតរូបលក្ខណៈ Macro គឺសំដៅលើការថតរូបវត្ថុនានាជិតៗ ដូចជាផ្កា សត្វល្អិត ឬអ្វីមួយដែលអ្នកចង់បង្ហាញពេលមើលនឹងភ្នែកធម្មតាមិនងាយឃើញ។

កាមេរ៉ា Compact និង 35mm អាចថតរូបប្រភេទនេះបានល្អ ជាពិសេសបើមាននូវមុខងារ Macro shooting mode និងប្រើជាមួយ Prime lens 50mm ឬក៏អាចប្រើ Lens Macro តែម្ដងកាន់តែប្រសើរ។ ការថតរូបលក្ខណៈ Macro ឲ្យបានល្អត្រូវការ Tripod (ជើងទម្រកាមេរ៉ា), Shutter remote ( ឧបករណ៍បញ្ចាថតមិនប៉ះផ្ទាល់លើកាមេរ៉ា) ឬ Self-timer (កំណត់រយៈពេលថតក្រោយចុចប៊ូតុង ២ ឬ ៣ វិនាទីទើបថត) ព្រោះអាចឲ្យកាមេរ៉ានៅនឹងល្អ។

វត្ថុសម្រាប់ថតលក្ខណៈ Macro

អ្នកប្រហែលជាគិតថាមានតែ ផ្កា ជាវត្ថុសម្រាប់ថត Macro ប៉ុន្តែមិនមែនទេ ដោយនៅមានវត្ថុផ្សេងៗជាច្រើនទៀត។ អ្នកគួរអនុវត្តថតរូបប្រភេទនេះ ក្នុងបរិវេណកន្លែងដែលជិតអ្នកមុនពេលចេញថតរូបធម្មជាតិខាងក្រៅ។ ឧទាហរណ៍ រូបសមនេះ ដែលដាក់លើតុជិតនឹងបង្អួតពេលព្រឹកព្រលឹម ដោយមានពន្លឺចូល។ លើកាមេរ៉ាប្រើប្រាស់ Macro mode ជាមួយ Widest aperture setting f/2.8 សម្រាប់ឲ្យមានស្រមោល Depth of field បានល្អ។

កុំឲ្យកាមេរ៉ារង្គើពេលថត

កាមេរ៉ាភាគច្រើនទាំង Compact, DSLR និង Mirrorless មានមុខងារ image stabilization (ទប់រំញ័រពេលថត) ប៉ុន្តែក៏នៅមិនទាន់គ្រប់គ្រាន់សម្រាប់ការថតរូបប្រភេទនេះដែរ។ អ្នកពង្រីកកាន់តែជិត ភាគរយរង្គើកាន់តែខ្ពស់ ដូច្នេះអ្នកគួរភ្ជាប់កាមេរ៉ានឹង Tripod ហើយបើសិនជាកាមេរ៉ាអ្នកមានមុខងារ self-timer គួរកំណត់យក ២ វិនាទី ឬប្រើប្រាស់ shutter remote កាន់តែល្អ។ ការធ្វើបែបនេះ អ្នកនឹងផលិតបានរូបភាពស្អាត ច្បាស់ល្អ។

ប្រើប្រាស់ Auto Focus និង Manual Focus

ការថតរូបប្រភេទនេះ កាមេរ៉ាពិបាកក្នុងការ Focus ណាស់។ ពេល Lens ជិតនឹង subject ពេក កាមេរ៉ានឹងមិន Focus ដោយស្វ័យប្រវត្តិទេ ដូច្នេះធ្វើយ៉ាងណាកុំឲ្យកាមេរ៉ាជិតពេក រួចធ្វើការពង្រីកចុះឡើង ដើម្បីអោយវា Focus តែបើសិនជាមិនដំណើរការទៀត អ្នកអាចប្រើប្រាស់ Manual focus។ អ្នកក៏អាចសាកល្បងថតពីរ បីដង រួចមើលរូបភាពលើអេក្រង់ LCD ដើម្បីពិនិត្យមើលវាច្បាស់ ឬមិនច្បាស់។

ប្រើប្រាស់ ISO ទាប និង Wide Aperture

អ្នកមិនគួរប្រើប្រាស់ Shutter speed ខ្ពស់នោះទេ។ អ្នកអាចថតនៅកម្រិត ISO 100 ឬ 200 ដើម្បីកុំអោយមាន Noise ក្នុងរូបភាពច្រើន ហើយកំណត់ Aperture f/2.8 ឬតូចជាងនេះដែលធ្វើឲ្យរូបភាពផ្ទៃខាងមុខនៃវត្ថុដែលថតច្បាស់ល្អ។

ការថតរូបផ្កាជាមួយនឹងដំណក់ទឹកភ្លៀង

អ្នកអាចយកផ្កាកុលាបដាក់នៅមាត់បង្អួតដែលមានពន្លឺចូល និងមិនចាំបាច់ប្រើប្រាស់ Flash នោះទេ តែបើពន្លឺតិចពេក អ្នកអាចប្រើប្រាស់ External camera flash ជំនួយបានដែលជួយបន្ថែមពន្លឺលើ វត្ថុដែលត្រូវថត។ នៅរដូវវស្សា ដំណក់ទឹកភ្លៀងអាចធ្វើឲ្យការថតរូបលក្ខណៈ Macro កាន់ទាក់ទាញ ជាពិសេសលើផ្កា តែប្រសិនបើមិនចំរដូវវស្សាទេ អ្នកក៏អាចបាញ់ទឹកធ្វើដូចដំណក់ទឹកភ្លៀងបានដូចគ្នា។