នូវែលសេឡង់ ចំណាយ៧៥លានវុន ទិញភក់រាប់តោន ពីកូរ៉េខាងត្បូង ដើម្បី...

2017-07-25 02:13:09
ចំនួនមតិ 0 | ចំនួនចែករំលែក 0

ចន្លោះមិនឃើញ

នូវែលហ្សេឡង់ ទិញភក់សរុប ចំនួន ៥ តោន
ភក់ទាំងនោះមានតម្លៃរហូតដល់ទៅ ៧៥ លានវុន

កាលពីពេលថ្មីៗនេះ ចៅហ្វាយក្រុងនូវែលហ្សេឡង់ លោកស្រី Steve Chadwick បានចុះហត្ថលេខាជាមួយកូរ៉េខាងត្បូង លើកិច្ចសន្យាទិញភក់ ដ៏ភ្ញាក់ផ្អើល និងកម្រមានមួយ។

លោកស្រី Steve បានចូលរួមពិធីបុណ្យភក់ប្រចាំឆ្នាំ Boryeong Mud Festival នៅកូរ៉េខាងត្បូង កាលពីថ្ងៃទី២២ ខែកក្កដា កន្លងទៅនេះ។ បន្ទាប់ពីបានចូលរួមពិធីបុណ្យដ៏សប្បាយរីករាយ និងសិក្ខាសាលា World Festival Cities រួចមក លោកស្រីក៏បានចុះហត្ថលេខា ដើម្បីនាំចេញភក់សរុប ចំនួន ៥ តោន ក្នុងតម្លៃរហូតដល់ទៅ ៧៥ លានវុន ឬ ៦៧ ០០០ ដុល្លារអាមេរិក ពីទីក្រុង Boryeong ទៅកាន់ប្រទេសនូវែលហ្សេឡង់ តែម្ដង។

ការសម្រេចចិត្តចុះហត្ថលេខាទិញភក់យ៉ាងច្រើននេះ គឺជាគំនិតរបស់លោកស្រី Steve ដើម្បីប្រារព្ធពិធីបុណ្យភក់នេះ នៅប្រទេសនូវែលហ្សេឡង់ នារដូវក្ដៅនេះតែម្ដង។

គួរឲ្យដឹងថា ពិធីបុណ្យភក់ បានចាប់ផ្ដើមឡើងនៅឆ្នាំ១៩៩៨ ក្នុងគោលបំណងដើម្បីលើកកម្ពស់អត្ថប្រយោជន៍នៃភក់ ដែលសម្បូរទៅដោយសារធាតុរ៉ែ។ ចាប់តាំងពីពេលនោះមក វាបានក្លាយជាពិធីបុណ្យដ៏ពេញនិយមបំផុតមួយ សម្រាប់អ្នកស្រុក និងភ្ញៀវទេសចរនៅកូរ៉េខាងត្បូង តែម្ដង៕