សំបុត្រចូលមើលការប្រគំតន្ត្រីក្រុម K-Pop ២ក្រុម លក់អស់គ្មានសល់ តែបែរជាខុសច្បាប់

2017-07-25 08:40:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ មានរឿងភ្ញាក់ផ្អើលមួយ បានកើតឡើងចំពោះ ក្រុមចម្រៀងថ្មី ២ក្រុម Weki Meki និង DAY6 ពាក់ព័ន្ធនឹងករណីទិញដូរសំបុត្រចូលទស្សនាការប្រគំតន្ត្រីរបស់ពួកគេ។

ក្រុមចម្រៀង Weki Meki

និយាយពីក្រុមចម្រៀងនារីថ្មី Weki Meki ម្សិលមិញ អ្នកប្រើប្រាស់ប្រព័ន្ធអ៊ីនធឺណិតបានមានការផ្ទុះចម្ងល់មិនតិចទេ នៅពេលដែលដឹងថាសំបុត្រចូលទស្សនាការប្រគំតន្ត្រីរបស់ក្រុម ចំនួន ១ ៥០០ លក់អស់គ្មានសល់ រយៈពេលត្រឹម ១នាទីប៉ុណ្ណោះ។ ប៉ុន្តែស្រាប់តែមានព័ត៌មានមួយទៀតបានលេចឡើងថា សំបុត្រដែលលក់អស់ទាំងនោះ គឺមានអ្នកទិញខុសច្បាប់។

ទាក់ទងករណីនេះ ខាងផលិតកម្ម Fantagio ក៏បានថ្លែងអរគុណចំពោះអ្នកគាំទ្រដែលមានចំណាប់អារម្មណ៍មកលើការប្រគំតន្ត្រីរបស់ក្រុម Weki Meki។ ជាមួយគ្នានោះ ពួកគេនឹងចាត់វិធានទៅតាមផ្លូវច្បាប់ប្រឆាំងនឹងអំពីជួញដូរខុសច្បាប់នេះ។

ក្រុមចម្រៀង DAY6

ចំណែកឯខាងក្រុមចម្រៀងថ្មីរបស់ផលិតកម្ម YG ឯណោះវិញក៏ជួបបញ្ហាមិនខុសគ្នាដែរ ពោលគឺមានអ្នកទិញសំបុត្រចូលទស្សនាការប្រគំតន្ត្រីរបស់ក្រុមចម្រៀងថ្មី DAY6 ដោយខុសច្បាប់ ក្រោយខាងក្រុមការងារបានដាក់លក់សំបុត្រតាំងពីថ្ងៃទី ២៤។

កាន់តែស៊ីជម្រៅជាងនេះ គឺផលិតកម្ម JYP បានប្រកាសលេខកៅអីជាក់លាក់មួយ ដែលបានទិញដោយខុសច្បាប់នោះ ហើយបានកំណត់ថា លេខកៅអីទាំងនោះ ក្រុមការងារសម្រេចលុបចោលទាំងអស់តែម្ដង។ មួយវិញទៀតចំពោះសំបុត្រដែលទិញតាមរយៈវិបសាយខុសច្បាប់នោះ ខាងផលិតកម្មមិនទទួលខុសត្រូវទាំងអស់។

ចាត់ទុកថាជាមេរៀន ដែលអ្នកគាំទ្រទាំងអស់ត្រូវចងចាំ មិនគួរទុកចិត្ត ឬទិញសំបុត្រពីប្រភពខុសច្បាប់ទេ ព្រោះថ្ងៃមុខនឹងត្រូវខាតបង់ ហើយថែមទាំងជួបបញ្ហាច្រើនដោយមិនដឹងខ្លួនទៀតផង៕

ប្រភព៖ Soompi ប្រែសម្រួល៖ យី សុធារី