ចាន់ រតនា៖ ទាត់ឡាវឱ្យសន្លប់ម្សិលមិញ នៅមិនទាន់ល្អដូចចិត្តចង់បាននោះទេ

2017-07-31 02:19:44
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំងដែលទើបប្រឡូកសារជាថ្មីក្នុងវិស័យប្រដាល់គុនខ្មែរ ចាន់ រតនា ថាឈ្នះកីឡាករឡាវ Fasarng Site Arthapi កាលពីម្សិលមិញនៅសង្វៀនបាយ័នបឹងស្នោនេះវាធ្វើមិនទាន់បានល្អដូចចិត្តដែលខ្លួនចង់នោះទេ។

កីឡាករ ចាន់ រតនា ឈ្នះម្សិលមិញ

កីឡាករ ចាន់ រតនា បានឲ្យក្រោយចប់ការប្រកួតនៅសង្វៀនបាយបឹងស្នោថា គេមានចិត្តសប្បាយរីករាយដែលទទួលបានជ័យជម្នះសម្រាប់ការប្រកួតវិលជុំសន្សំពិន្ទុនេះ ហើយបាន៣ពិន្ទុបន្ថែមទៀត។ បើទោះជាបានជ័យជម្នះដោយផ្ដួលដៃគូឲ្យសន្លប់ក្តី តែ ចាន់ រតនា យល់ថាការចេញក្បាច់ម្សិលមិញនេះមិនទាន់ដល់នូវអ្វីដែលខ្លួនចង់បានក្នុងចិត្តនោះឡើយ។

អ្នកប្រដាល់ដែលមានប្រពន្ធជាជនជាតិបារាំងរូបនេះបន្តថា ហេតុតែថានៅមិនទាន់បានល្អដូចអ្វីដែលគេចង់បាននោះ គឺនៅពេលដែលគេចូលទៅវ៉ៃដៃគូនោះ ប៉ះទង្គិចនិងក្បាច់គេមួយចំនួន វាធ្វើឲ្យរំខានដល់ខ្លួន(រតនា)ត្រូវប្រើក្បាច់ផ្សេងៗទៀតដើម្បីផ្ដួលដៃគូ។

កីឡាករ Fasarng Site Arthapi

កីឡាករ ចាន់ រតនា ជាបេក្ខភាពម្នាក់ក្នុងចំណោមអ្នកប្រដាល់កម្ពុជា៤រូបត្រូវជម្រុះដណ្ដើមខ្សែក្រវាត់ស្រាបៀ លីអូ របស់សង្វៀនបាយ័ន។ ឥលូវនេះ រតនា មាន៦ពិន្ទុក្នុងដៃក្រោយឈ្នះដៃគូទាំង២លើកជាប់គ្នា៕

អត្ថបទ៖ នួន ស៊ីណា