អស្ចារ្យ មាន សូនីតា តំណាងឲ្យកម្ពុជាបង្ហាញមុខលើឆាកអន្តរជាតិ

2017-07-31 04:09:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្សិលមិញនេះ តំណាងសមាគមសិល្បករខ្មែរ បានជួបពិភាក្សាជាមួយ តំណាងទូរទស្សន៍ជាតិកម្ពុជាក្នុងការរៀបចំឲ្យកញ្ញា មាន សូនីតា តំណាងឲ្យកម្ពុជាក្នុងនាមជា Celebrity ទៅចូលរួមក្នុងកម្មវិធី Asian Japan Television Festival 2017។

មាន សូនីតា បានប្រាប់ Sabay ថា នេះជាលើកទី២ សម្រាប់នាងដែលបានបង្ហាញមុខមាត់នៅលើឆាកអន្តរជាតិតំណាងឲ្យកម្ពុជា នៅប្រទេសហ្វីលីពីន នៅថ្ងៃទី ៦ ខែកញ្ញា ឆ្នាំ២០១៧ ខាងមុខនេះរយៈពេល៥ ថ្ងៃ ព្រោះកន្លងមករូបគេក៏ធ្លាប់ចូលរួមកម្មវិធីជាលក្ខណៈអន្តរជាតិបែបនេះម្ដងរួចមកហើយនៅប្រទេស ម៉ាឡេស៊ី។

មូលហេតុដែលសមាគមសិល្បករខ្មែរ ជ្រើសរើសយក មាន សូនីតា តំណាងឲ្យកម្ពុជាក្នុងនាមជា Celebrity ទៅចូលរួមក្នុងកម្មវិធី Asian Japan Television Festival 2017 ដោយសារតែតារាសម្ដែងរូបនេះមានគុណសម្បត្តិជាច្រើនដូចជា ជួយផ្សព្វផ្សាយវប្បធម៌ ខ្មែរតាមរយៈការច្នៃម៉ូដសំលៀកបំពាក់ចេញពីក្រមា ព្រមទាំងធ្វើឲ្យក្រមាខ្មែរត្រូវបានមហាជនចាប់អារម្មណ៍ឡើងវិញតាមរយៈការច្នៃម៉ូដរបស់នាង។ មាន សូនីតា បន្ថែម។

នាងនិយាយ ថា៖ “ចាសបងខ្ញុំពិតជាមានអារម្មណ៍រំភើប និងសប្បាយរីករាយ ដែលសមាគមសិល្បករខ្មែរជ្រើសរើសយករូបខ្ញុំ តំណាងឲ្យកម្ពុជាទៅចូលរួមកម្មវិធី Asian Japan Television Festival ហើយខ្ញុំ នឹងត្រៀមសំលៀកបំពាក់ប្រពៃណីខ្មែរ ដែលច្នៃចេញពីក្រមាខ្មែរទៅបង្ហាញនៅលើឆាកអន្តរជាតិ"៕

អត្ថបទ៖ ឆុង ស៊ីណាន