ដើម្បីអនាគតតារា Original Song១រូប លាអ្នកគាំទ្រទៅបន្តការសិក្សានៅបរទេស

2017-07-31 03:30:02
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាស្រីដែលនិយមច្រៀងភាសាអង់គ្លេស កៅ សុភា (Sophia Kao) បានសម្រេចចិត្តលាអ្នកគាំទ្ររបស់ខ្លួនដើម្បីទៅបន្តការសិក្សានៅប្រទេសសិង្ហបុរី។

សុភា បានលើកឡើងថាដំបូងពេលបញ្ចប់ការសិក្សាថ្នាក់ទី១២ភ្លាមឪពុកម្ដាយចង់ឲ្យនាងបន្តការសិក្សាបរិញ្ញាបត្រនៅសិង្ហបុរីភ្លាម ប៉ុន្តែនាងបានសុំពេលមួយរយៈដើម្បីធ្វើអ្វីដែលខ្លួនចង់ធ្វើសិន ពោលគឺផ្នែកតន្ត្រីនេះតែម្ដង។

ចុចអាន៖

ជុំវិញតារាចម្រៀង Original Song

“ពួកគាត់គោរពការសម្រេចចិត្តរបស់ខ្ញុំ ព្រោះគាត់ដឹងថាខ្ញុំស្រលាញ់តន្ត្រី ហើយពេលនេះ ពេលវេលាដែលខ្ញុំសុំគាត់ហ្នឹងគឺបានមកដល់ហើយខ្ញុំចូលរៀនថ្ងៃទី២៨ សីហាខាងមុខនេះហើយ" ម្ចាស់បទ "Hell” បន្ត។

សុភា នឹងបន្តការសិក្សារយៈពេល៣ឆ្នាំនៅ (SIM ឬ Singapore Institute of Management) ផ្នែក គ្រប់គ្រងពាណិជ្ជកម្ម។ នាងបានបញ្ជាប់ការសិក្សាថ្នាក់ទី១២មកពីសាលាអន្តរជាតិ (ISPP ឬ International School of Phnom Penh)។

តារាចម្រៀងស្រីវ័យក្មេងខាងលើបានបន្តទៀតថាខ្លួនបានច្រៀងលាអ្នកគាំទ្រ (Goodbye Stage) របស់ខ្លួនរួចហើយដោយសហការជាមួយតារាចម្រៀង ឡូរ៉ា ម៉ម ក្នុងកម្មវិធី "មិត្តយើង"។ ទោះបីជាត្រូវចាកចេញបែបនេះពិតមែន ប៉ុន្តែម្ចាស់បទ "Be Yourself ឬ ធ្វើជាខ្លួនឯង" បញ្ជាក់ថានាងមានចម្រៀងមួយចំនួននឹងត្រៀមចេញជាបន្តបន្ទាប់ ហើយបទខ្លះក៏ថតរួចហើយដែរ ហើយសន្យាថានឹងត្រឡប់មកជួបអ្នកគាំទ្រវិញក្នុងពេលមួយដែលសក្ដិសម៕

អ្នកគាំទ្រអាចស្ដាប់បទ "Hell” ក្នុងអាល់ប៊ុម “Songkites Season of Love" តាមរយៈ Smart Music App, iTune, Apple Music, Spotify ជាដើម។ ខាងក្រោមនេះជា Cover Version ដោយស្រីស្អាតជនជាតិសិង្ហបុរី ឈ្មោះ Natasha Elle៖