គួរឲ្យសរសើរតារាល្បីៗឆ្លៀតពេលទៅអបអរសាច់ញាតិទទួលសញ្ញាប័ត្រ

2017-08-01 08:01:06
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹកមិញនេះកំពូលតារាពីរដួង គឺ ឱក សុគន្ធកញ្ញា និង ម៉ាក សែនសូនីតា ហៅតូតា ឆ្លៀតពេលវេលាទៅអបអរសាច់ញាតិទទួលសញ្ញាប័ត្រ។

១/តារាចម្រៀង ឱក សុគន្ធកញ្ញា បានប្រាប់ Sabay ថានៅថ្ងៃនេះ នាង និងម្ដាយមានអារម្មណ៍សប្បាយរីករាយយ៉ាងខ្លាំងដែលប្អូនស្រីរបស់ខ្លួនឈ្មោះ ឱក ណាតា បានទទួលសញ្ញាប័ត្រផ្នែកច្បាប់ ពីសាកលវិទ្យាល័យភូមិន្ទនីតិសាស្ត្រ និងសេដ្ឋកិច្ច។

“ថ្ងៃនេះបង និងអ្នកម៉ាក ឆ្លៀតពេលមកអបអរប្អូនស្រី គាត់ទទួលសញ្ញាប័ត្រ ផ្នែកច្បាប់ ព្រោះគាត់បានខិតខំប្រឹងប្រែងអស់រយៈយ៉ាងយូរ ទម្រាំមានថ្ងៃនេះ។ បង និងអ្នកម៉ាក់សប្បាយចិត្តខ្លាំងណាស់ ចំពោះការខិតខំប្រឹងប្រែងរបស់ប្អូនស្រីនាពេលកន្លងមក ព្រោះគាត់បានសម្រេចគោលដៅ និងក្ដីស្រមៃក្នុង ជីវិតគាត់"។ សុគន្ធកញ្ញា ថ្លែងបញ្ជាក់។

២/ ដោយឡែកតារាសម្ដែង តូតា វិញក៏បង្ហាញវត្តមានទៅអបអរសាច់ញាតិ ទទួលសញ្ញាប័ត្រដែរនៅព្រឹកមិញនេះ នាងបានបង្ហោះនៅលើបណ្ដាញទំនាក់ទំនងសង្គមហ្វេសប៊ុកនូវរូបថតប៉ុន្មានសន្លឹកយ៉ាងសប្បាយរីករាយ។ តែមិនបានបញ្ជាក់ថាត្រូវជាប្អូនស្រី ឬជាអ្វីនិងគ្នានោះទេ ព្រោះសាមីខ្លួនមិនអាចទាក់ទងបាន៕