«កោះក្របី» រមណីយដ្ឋានប្រណីត ត្រៀមទទួលភ្ញៀវលំដាប់ខ្ពស់នៅឆ្នាំក្រោយ
- 2017-08-03 03:51:06
- ចំនួនមតិ 0 | ចំនួនចែករំលែក 0
«កោះក្របី» រមណីយដ្ឋានប្រណីត ត្រៀមទទួលភ្ញៀវលំដាប់ខ្ពស់នៅឆ្នាំក្រោយ
ចន្លោះមិនឃើញ
កោះនេះ មានចម្ងាយ ៧km ពីឆ្នេរសមុទ្ររាម
អភិវឌ្ឍដោយក្រុមហ៊ុន RPB លើផ្ទៃដីមានទំហំប្រមាណ ១២ ហិកតា
ត្រៀមដំណើរការនៅឆ្នាំ ២០១៨
«កោះក្របី» ជាកោះតូចមួយ ស្ថិតនៅសមុទ្ររាម ខេត្តព្រះសីហនុ ចម្ងាយប្រហែល ៧ គីឡូម៉ែត្រ ដែលមានទំហំប្រមាណ ១២ ហិកតា បច្ចុប្បន្ន ត្រូវបានអភិវឌ្ឍប្រែក្លាយកោះនេះ ទៅជារមណីយដ្ឋានប្រណីត ដោយក្រុមហ៊ុនរុស្ស៊ី សម្រាប់ភ្ញៀវលំដាប់ខ្ពស់។
លោក ឈឹម វុត្ថា ជំនួយការនាយកគ្រប់គ្រងនៃគម្រោងរីសត កោះក្របី បានប្រាប់ Sabayថា កោះក្របី ត្រូវបានដំណើរការសាងសង់ និងវិនិយោគដោយក្រុមហ៊ុន RPB Investment អនុញ្ញាតដោយរដ្ឋាភិបាល ដើម្បីអភិវឌ្ឍជាកោះឯកជនសម្រាប់ភ្ញៀវលំដាប់ខ្ពស់ ហើយបច្ចុប្បន្ននេះបានសហប្រតិបត្តិការជាមួយក្រុមហ៊ុនអន្តរជាតិ SIX SENSES។
លោកបន្តថា «នៅក្នុងគម្រោងនេះ មានវីឡាចំនួន ៤០ ដោយវីឡានីមួយៗ មានអាងហែលទឹក១ , ហើយយើងក៏មានភោជនីយដ្ឋាន ចំនួន ០២, មានកន្លែងកម្សាន្ត និងកន្លែងស្ប៉ាផងដែរ»។
លោក វុត្ថា បញ្ជាក់ប្រាប់ថា អ្វីដែលជាលក្ខណៈពិសេសនៃរមណីយដ្ឋានកោះក្របីនេះ គឺការសាងសង់ដែលមិនប៉ះពាល់បរិស្ថាន ដោយរក្សាទុកដើមឈើឲ្យនៅស្រស់បំព្រងទាំងអស់។ លោកប្រាប់បន្ថែមថា មកទល់ពេលនេះ គម្រោងសង់អគារផ្សេងៗបានសម្រេចរួចរាល់ហើយ នៅសល់តែការរចនាពាក់កណ្ដាលសម្រេច (Intermediate Design) ដែលរង់ចាំតែការជ្រើសរើស រួចយកមកផ្គុំជាការស្រេច។
យ៉ាងណាមិញ ខាងក្រុមហ៊ុន ខាងលើ សូមមិនបញ្ជាក់ពាក់ព័ន្ធ នឹងទំហំវិនិយោគនិងតម្លៃស្នាក់នៅ តែលោក វុត្ថា ដែលជាតំណាងក្រុមហ៊ុន បានបង្ហើបថា រមណីយដ្ឋានកោះក្របីនេះ នឹងបើកដំណើរការដល់ភ្ញៀវជាតិ និងអន្តរជាតិ នៅក្នុងអំឡុងខែ មីនា ឆ្នាំ ២០១៨៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
