មិនធម្មតាទេអ្នកគាំទ្រកម្ពុជារៀបចំកម្មវិធីគម្រប់ខួប១០ឆ្នាំជូន SNSD

2017-08-01 23:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្សិលមិញអ្នកគាំទ្រ (SONEs) កម្ពុជាបានរៀបចំកម្មវិធីជួបជុំអ្នកគាំទ្រដើម្បីអបអរគម្រប់ខួប១០ឆ្នាំរបស់កំពូលក្រុមចម្រៀងរបស់កូរ៉េ SNSD។

អ្នកតំណាងឲ្យអ្នកគាំទ្រទាំងអស់ បានលើកឡើងថានេះជាឆ្នាំទី៤ហើយដែលពួកគេបានបានរៀបចំកម្មវិធីជួបជុំអ្នកគាំទ្ររបស់ Girls' Generation នៅកម្ពុជា ហើយលើកនេះជាការជួបជុំយ៉ាងពិសេសមួយសម្រាប់ពួកគេព្រោះវាជាការអបអររយៈពេល ១០ឆ្នាំ ដែល SNSD បានបង្កើតឡើង។

“ខ្ញុំចាំកាលគម្រប់ខួប៨ឆ្នាំ យើងធ្វើមានតែអ្នកគាំទ្រ១២នាក់ទេចូលរួម តែពួកយើងមិនបោះបង់ទេយើងនៅតែបន្តរហូតឆ្នាំទី១០នេះមាន Fan ៥២នាក់ចូលរួម" អ្នកតំណាងបន្ត។

ក្រុមចម្រៀង បានបង្កើតឡើងក្នុងឆ្នាំ២០០៧ ជាមួយសមាជិក៩រូប ក្រោមផលិតកម្ម SM បទចម្រៀងបង្ហាញមុខដំបូងគឺបទ "In to the new world”។ នៅក្នុងឆ្នាំ២០១៤ សមាជិក១រូបគឺ Jessica បានចាកចេញពីក្រុមដោយសារនាងរវល់នឹងមុខជំនួញផ្ទាល់ខ្លួន ពេលនេះនាងក្លាយជាតារាចម្រៀងទោលដែលជោគជ័យមួយរូប។

Girls' Generation នឹងត្រឡប់មកឆាកតន្ត្រីវិញនៅថ្ងៃទី៤ខែសីហា ខាងមុខនេះហើយជាមួយនឹងបទចម្រៀង "Holiday Night” ដើម្បីអបអរគម្រប់ខួប១០ឆ្នាំនៃការបង្កើតក្រុម៕