បន្តិចទៀត Messenger រឹតតែអស្ចារ្យជាងមុន ព្រោះ....

2017-08-01 13:27:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Facebook បានទិញ Ozlo ដែលជាក្រុមហ៊ុនទើបតែបង្កើតថ្មីផ្នែកបច្ចេកវិទ្យាឆ្លាតវៃ AI ដើម្បីបន្ថែមមុខងារពិសេសៗដល់ Messenger របស់ខ្លួន ។

គោលបំណងរបស់ Facebook ក្នុងការទិញ Ozlo ដើម្បីធ្វើឱ្យ Messenger ក្លាយទៅជាជំនួយការឆ្លាតវៃតាមរយៈការ chat ទាក់ទងគ្នា ដែលផ្ទុយពីក្រុមហ៊ុន Apple, Google និងក្រុមហ៊ុន Amazon ផ្តោតសំខាន់លើបច្ចេកវិទ្យាឆ្លាតវៃបញ្ជាដោយសំឡេង ។

ចំណុចពិសេសលើ AI របស់ Ozlo អាចយល់ច្បាស់ពីកិច្ចសន្ទនាតាមរយៈការសរសេរ អាចឆ្លើយសំនួរនានាដែលលំបាកៗជាជាងចម្លើយ ‘Yes’ ឬ ‘No’ វាអាចប្រាប់ពីរូបមន្តចម្អិនម្ហូប រកទីតាំងភោជនីយដ្ឋានដែលនៅជិតអ្នកនិងសមត្ថភាពពិសេសៗមួយចំនួនទៀត ។

ដោយឡែកចំពោះបុគ្គលិកទាំង ៣០ រូបរបស់ Ozlo សហការជាមួយក្រុមការងារផ្នែក AI ដែលមានស្រាប់របស់ Facebook នឹងបន្ថែមបច្ចេកវិទ្យាឆ្លាតវៃថ្មីៗទៀតលើ Messenger។

រំឮកថា ក្រុមហ៊ុន Ozlo បានបង្កើតឡើងក្នុងឆ្នាំ ២០១៣ ដែលមានស្នាក់ការកណ្ដាលនៅក្នុងក្រុង Palo Alta រដ្ឋកាលីហ្វ័រញ៉ា សហរដ្ឋអាមេរិក។

Ozlo បានបង្កើតកម្មវិធីជំនួយការឆ្លាតវៃកាលពីឆ្នាំមុនសម្រាប់ប្រព័ន្ធ Android និង iOS។ ប៉ុន្តែកម្មវិធីនេះមិនសូវជាពេញនិយមនោះទេ ពោលគឺមានការដំឡើងតែ ៥០០ ទៅ ១.០០០ តែប៉ុណ្ណោះលើ Play Store៕

ប្រភព៖ Dailymail ប្រែសម្រួល៖ សិរីបុទ្រ