ប្រាក់រង្វាន់ការប្រកួត Dota 2 ឡើងដល់ ២៣ លានដុល្លារហើយ

2017-08-02 07:25:20
ចំនួនមតិ 0 | ចំនួនចែករំលែក 0

ចន្លោះមិនឃើញ

សល់តែប៉ុន្មានម៉ោងទៀតការប្រកួតប្រជែងលេងហ្គេម Dota 2 ប្រចាំឆ្នាំ ២០១៧ នឹងចាប់ផ្ដើមហើយ ដែលមានប្រាក់រង្វាន់យ៉ាងច្រើនសន្ធឹកសន្ធាប់។

បច្ចុប្បន្ននេះប្រាក់រង្វាន់សម្រាប់ការប្រកួត The Internation 7 មានសរុប ២៣ ១២២ ០៥៦ ដុល្លារ ដោយក្រុមដែលឈ្នះនឹងទទួលបាន ១០,១ លានដុល្លារ ហើយក្រុមដែលអន់បំផុតក្នុងចំណោម ១៨ ក្រុមដែលចូលរួមក៏នឹងទទួលបានប្រាក់រង្វាន់ ៥៧ ៦៨៥ ដុល្លារដែរ។ យ៉ាងណាក្ដីនេះប្រាក់រង្វាន់នេះអាចនឹងកើតឡើងបន្ថែមទៀត ព្រោះការប្រកួតនឹងបញ្ចប់ទៅនៅថ្ងៃទី ១២ ខែសីហានេះឯណោះ។

គួរឲ្យដឹងថាការប្រកួតហ្គេមអនឡាញខ្នាតអន្តរជាតិនេះបង្កើតឡើងដោយក្រុមហ៊ុនហ្គេម Valve តាំងពីឆ្នាំ ២០១០ មកម្ល៉េះ។ ប្រាក់រង្វាន់ដែលចែកជូនដល់អ្នកឈ្នះមានចំនួន ១,៦ លានដុល្លារជាថវិការបស់ក្រុមហ៊ុន សល់ប៉ុន្មានទៀតជាទឹកប្រាក់ ២៥% បានមកពីការលក់ Battle Pass ដល់អ្នកលេងរាប់លាននាក់។

ក្នុងការប្រកួតកាលពីឆ្នាំ ២០១៦ ប្រាក់រង្វាន់សរុបមានដល់ទៅ ២០ ៧៧០ ៦៤០ ដុល្លារឯណោះ ហើយសម្រាប់ឆ្នាំនេះរំពឹងថានឹងឡើងដល់ ២៥ លានដុល្លារ៕

ប្រភព៖ vnexpress ប្រែសម្រួល៖ សុខហេង