ជិះកង់មើលត្រីក្រោមសមុទ្រ កំពុងទាក់ទាញអ្នកទេសចរមិននឹកស្មាន

2017-08-03 02:00:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ឧទ្យានក្រោមទឹកមួយនៅប្រទេសក្រូអាត កំពុងទាក់ទាញមនុស្សនៅជុំវិញពិភពលោក ពិសេសអ្នកចូលចិត្តស្វែងរកអ្វីប្លែក ទាក់ទាញ ផ្ដល់ភាពស្រស់ស្រាយដល់ពួកគេ ហើយនៅទីនេះ គេអាចជិះកង់មើលហ្វូងត្រីក្រោមទឹកបានយ៉ាងសប្បាយរីករាយ។

ឧទ្យាននេះមានឈ្មោះថា Verudela Underwater Park ស្ថិតនៅក្បែរឆ្នេរ Istrian ទីក្រុង Pula ប្រទេសក្រូអាត។ ក្រូអាតមានព្រំដែនជាប់ប្រទេសស្លូវើនៀ ហុងគ្រី ស៊ែប ប្រទេសបូស្នី និងសមុទ្រ Adriatic Sea នៅអឺរ៉ុបខាងកើត។

ឧទ្យាន Verudela បានផ្ដល់ភាពងាយស្រួលដល់អ្នកទេសចរក្នុងការចុះមុជទឹកក្នុងសមុទ្ររាក់ៗជម្រៅប្រមាណ ៥ ម៉ែត្រ ទឹកថ្លាប្រៀបដូចកញ្ចក់ អមជាមួយហ្វូងត្រីដ៏ច្រើនមិននឹកស្មាន។ ពេលអ្នកទេសចរចុះទៅក្រោមទឹក គេបានបំពាក់ឧបករណ៍គ្របក្បាលសម្រាប់ដកដង្ហើមទម្ងន់ប្រមាណ ៤០គីឡូក្រាម ដើម្បីជួយអ្នកទេសចរអាចរក្សាលំនឹងខ្លួននៅក្រោមសមុទ្របានយូរផងដែរ។

នាពេលថ្មីៗនេះ ស្ត្រីជិះកង់មើលត្រីក្រោមសមុទ្រកំពុងធ្វើឲ្យមនុស្សជាច្រើនចង់ទៅលេង ព្រោះជារឿងថ្មីសម្រាប់ពួកគេ។ តោះទៅទស្សនារូបភាពខាងក្រោម៖