សិក្ខាសាលាផ្សព្វផ្សាយពីប្រដាល់គុនខ្មែរ និងសកល ម្សិលមិញផ្ដោតលើ៦ចំណុច

2017-08-03 02:49:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានសហព័ន្ធគុនខ្មែរ ថាសិក្ខាសាលាស្ដីពីការផ្សព្វផ្សាយវិស័យប្រដាល់គុនខ្មែរ និងប្រដាល់សកល ដល់រាជធានីខេត្ត នេះគឺផ្ដោតលើ៦ចំណុច ដើម្បីបានជាទន់ និងជាមូលដ្ឋានគ្រឹះខ្លះៗ សម្រាប់យកទៅអនុវត្តឲ្យបានជោគជ័យនៅពេលខាងមុខ។

ឯកឧត្ដម តែម ម៉ឺន ប្រធានសហព័ន្ធប្រដាល់គុន

ឯកឧត្ដម តែម ម៉ឺន ប្រធានសហព័ន្ធប្រដាល់គុន និងតំណាងឲ្យប្រដាល់សកលកម្ពុជាលើកឡើងថា ដោយមានការជ្រោមជ្រែងពីក្រសួងអប់រំទើបសហព័ន្ធប្រដាល់គុនខ្មែរបង្កើតឲ្យមានសិក្ខាសាលានេះឡើង ដើម្បីផ្សព្វផ្សាយពីការរីកចម្រើនរបស់កីឡាករប្រដាល់គុនខ្មែរ និងប្រដាល់សកល។ ក៏ដូចជាការបង្ហាញផ្លូវមួយចំនួនដល់លោកអ្នក ដែលចង់បង្កើតក្លឹប ឬបង្កើតជាសមាគមប្រដាល់ផ្សេងៗនៅតាមបណ្ដាខេត្តក្រុងផ្សេងទៀត។

សិក្ខាមចូលរួម

ប្រធានសហព័ន្ធរូបនេះបន្តថា ចំណុចសំខាន់ទាំង៦ខាងក្រោមនេះជាផែនការនិងជាផ្លូវមួយសម្រាប់អស់លោកយកទៅអនុវត្តន៍ផងដែរ៖

១.អំពីការរៀបចំសមាគម ឬក្លឹប ២.ការត្រៀមចូលរួរមប្រកួតជើងឯកថ្នាក់ជាតិ ៣.ការត្រៀមចូលរួមប្រកួតកីឡាជាតិ លើកទី២ ឆ្នាំ២០១៨ ៤.ការងារគ្រប់គ្រង និងសុខភាពកីឡាករ ៥.ការសិក្សាស្រាវជ្រាវ អភិរក្ស និងឃោសនាផ្សព្វផ្សាយ ៦.ការត្រៀមលក្ខណៈសម្រាប់ធ្វើជាម្ចាស់ផ្ទះនៃការប្រកួតកីឡាស៊ីហ្គេម ២០២៣

សិក្ខាមចូលរួម

សូមបញ្ជាក់ថា សិក្ខាសាលាផ្សព្វផ្សាយពីប្រដាល់គុនខ្មែរ និងសកល នេះធ្វើឡើងនៅវិមានពហុកីឡដ្ឋានជាតិ កាលពីព្រឹកថ្ងៃទី២ សីហា និងបិទបញ្ចប់នៅល្ងាចថ្ងៃដដែលនោះផងដែរ ក្រោមអធិបតីភាពឯកឧត្ដម តែម ម៉ឺន ប្រធានសហព័ន្ធប្រដាល់គុនខ្មែរ៕

អត្ថបទ៖ នួន ស៊ីណា