មូលហេតុអត្តពលិកទៅស៊ីហ្គេមឆ្នាំនេះបានម្នាក់ ៥០០ដុល្លារ លើសឆ្នាំមុន២០០ដុល្លារ

2017-08-03 03:30:03
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងពិធីសំណេះសំណាលជាមួយប្រតិភូកីឡាកម្ពុជា នៅវិមានសន្តិភាពនៅព្រឹកនេះ សម្ដេចតេជោ ហ៊ុន សែន បានប្រកាសឧបត្ថម្ភអត្តពលិកទាំងអស់ម្នាក់៥០០ដុល្លារ។

សម្ដេច បានបញ្ជាក់ថារាល់ដងអ្នកទៅស៊ីហ្គេមបានត្រឹមតែ៣០០ដុល្លារក្នុងម្នាក់ៗប៉ុណ្ណោះ ប៉ុន្តែឆ្នាំនេះបានកើនឡើងដល់៥០០ដុល្លារ ក៏ព្រោះតែសេដ្ឋកិច្ចកម្ពុជាមានការរីកចម្រើនទើបអាចបង្កើនចំនួនទឹកប្រាក់បានដូច្នេះទៅ។

គួរបញ្ជាក់ថា អត្តពលិកកម្ពុជា មានចំនួនជាង ២៧០នាក់ ដែលសរុបជាប្រាក់ឧបត្ថម្ភស្មើចំនួនជិត ១៤ម៉ឺនដុល្លារ។ តួលេខនេះ អាចមានការប្រែប្រួល អាស្រ័យលើការផ្លាស់ប្ដូរផ្សេងៗ របស់សហព័ន្ធរៀបចំបញ្ជូនអត្តពលិករបស់ខ្លួននិមួយៗ។

ខណៈដែលប្រភេទកីឡាដែលសម្ដេចមានទំនុកចិត្តថាអាចនឹងឈ្នះមេដាយបាននោះមានដូចជា ប៉េតង់ តេក្វាន់ដូ សីប៉ាក់តាក្រ ប្រដាល់សកល ប្រដាល់សេរី និងវ៉ូស៊ូ៕

ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង។

អត្ថបទ៖ មុន្នីរម្យ