ក្រុមហ៊ុន Microsoft កំពុងធ្វើតេស្តមុខងារថ្មីលើប្រពន្ធ័ Windows 10 ដែលឱ្យអ្នក ប្រើប្រាស់ទាំងអស់អាចបញ្ជាតាមរយៈភ្នែករបស់ពួកគេមានឈ្មោះថា ‘Eye Control’ ។

ក្រុមហ៊ុនមានមូលដ្ឋាននៅអាមេរិកនិយាយក្នុង Blog កាលពីថ្ងៃពុធថា មុខងារ Eye Control បង្កើតក្នុងគោលបំណងជួយជនពិការអាចប្រើប្រាស់ Mouse លើអេក្រង់ Keyboard និង​ការ​សរសេរ​ទៅ​ជា​សំឡេង​ដោយ​គ្រាន់​តែប្រើភ្នែកតែប៉ុណ្ណោះ ប៉ុន្តែពួកគេត្រូវមានឧបករណ៍តាមដានភ្នែករបស់ក្រុមហ៊ុនស៊ុយអែត Tobii ទើបសាកល្បងមុខងារពិសេសនេះបាន ។

ពេល Eye Control ដំណើរការវានឹងលេចចេញប្រអប់១ឲ្យអ្នកប្រើប្រាស់ជ្រើសរើសមុខងារគ្រប់គ្រង mouse, keyboard ឬមុខងារសរសេរទៅជាសំឡេងដោយប្រើភ្នែករបស់ពួកគេ ។ បច្ចុប្បន្ន​មុខងារ​ពិសេស​នេះ​កំពុងស្ថិត​ក្នុងដំណាក់កាលធ្វើតេស្ត beta ហៅថា Windows 10 Insider Preview Build នៅឡើយ ៕

ប្រភព៖ CNBC   ប្រែសម្រួល៖ សិរីបុទ្រ