អត់មានទូរទស្សន៍ក្នុងស្រុកផ្សាយស៊ីហ្គេមទេ តែអ្នកកាសែតទៅម៉ាឡេស៊ីច្រើន

2017-08-04 03:24:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍កីឡាធំប្រចាំតំបន់អាស៊ីអាគ្នេយ៍ ឬស៊ីហ្គេមនឹងចាប់ផ្តើមបើកជាផ្លូវការនៅថ្ងៃទី១៩ ខែសីហា ប៉ុន្តែប្រភេទកីឡាបាល់ទាត់ចាប់ផ្តើមប្រកួតពីថ្ងៃទី១៤ ខែសីហាទៅ។ សម្រាប់កម្ពុជាសម្រេចបញ្ជូនកីឡាចំនួន២៤ប្រភេទចូលរួមប្រកួតប្រជែងដើម្បីស្វែងរកមេដាយជូនជាតិ។ ការផ្សព្វផ្សាយជាផ្នែកមួយដ៏សំខាន់ដើម្បីឲ្យប្រជាពលរដ្ឋរបស់ខ្លួនបានទស្សនា និងគាំទ្រ ប៉ុន្តែរហូតដល់ពេលនេះមិនទាន់មានទូរទស្សន៍នៅកម្ពុជាណាមួយចេញមុខបញ្ជាក់ថា ខ្លួនផ្សាយឡើយ ខណៈពេលវេលាក៏ខិតជិតចូលមកដល់។

ប្រភពមួយបានឲ្យដឹងថា ការផ្សព្វផ្សាយកីឡាស៊ីហ្គេមនៅប្រទេសម៉ាឡេស៊ីលើកនេះលក់ជាកញ្ចប់សម្រាប់ការផ្សាយបន្តផ្ទាល់គ្រប់ប្រភេទកីឡាតែម្តង។ ការលក់ជាកញ្ចប់នេះមានន័យថា គ្រប់ប្រភេទកីឡាទាំងអស់ចាប់ផ្តើមពីការប្រកួតរហូតដល់ចប់ព្រឹត្តិការណ៍ទាំងមូលគឺទូរទស្សន៍មួយអាចផ្សាយបន្តបានទាំងអស់។ វាមានតម្លៃរហូតដល់១០ម៉ឺនដុល្លារអាមេរិកដែលធ្វើឲ្យទូរទស្សន៍ក្នុងស្រុកពិតជាពិបាករកម្ចាស់ឧបត្ថម្ភដើម្បីទ្រទ្រង់ក្នុងផ្សាយបន្តផ្ទាល់។

ការលក់ជាកញ្ចប់នេះខុសពីកីឡាស៊ីហ្គេមនៅប្រទេសសិង្ហបុរីកាលពីឆ្នាំ២០១៥ដែលពេលនោះលក់តាមប្រភេទកីឡាដែលទូរទស្សន៍ណាមួយចង់ផ្សាយ។ ឧទាហរណ៍៖ ប្រសិនបើទូរទស្សន៍ណាមួយចង់ផ្សាយបន្តផ្ទាល់តែកីឡាបាល់ទាត់ គឺអាចទិញយកតែកីឡាបាល់ទាត់ផ្សាយបាន ហើយមានតម្លៃចុះថោកទៅតាមនោះដែរ។

តាមវិបសាយផ្លូវការរបស់កីឡាស៊ីហ្គេមបានបង្ហាញទូរទស្សន៍ជាតិរបស់ប្រទេសទាំង១១នៃសមាជិកកីឡាស៊ីហ្គេមជាអ្នកផ្សព្វផ្សាយ ប៉ុន្តែមិនបានបញ្ជាក់ថា ផ្សាយផ្ទាល់ ឬផ្សាយបន្តផ្ទាល់តាមលក្ខណៈបែបនោះទេ។ ទោះបីជាយ៉ាងណា អ្នកដឹងរឿងនេះបាននិយាយថា ទូរទស្សន៍ជាតិកម្ពុជា (ទទក)អាចមានទឹកមាត់ប្រៃក្នុងការចរចាពីការផ្សាយបន្តផ្ទាល់ ប៉ុន្តែទូរទស្សន៍ជាតិកម្ពុជាហាក់ដូចស្ងាត់ស្ងៀម។

ថ្វីបើមិនមានទូរទស្សន៍ក្នុងស្រុកណាផ្សាយអះអាងពីការផ្សាយបន្តផ្ទាល់ក៏ដោយ ក៏ប៉ុន្តែកីឡាស៊ីហ្គេមឆ្នាំនេះនៅប្រទេសម៉ាឡេស៊ីមានអ្នកសារព័ត៌មានកីឡាជាតិទាំងផ្នែកទូរទស្សន៍ កាសែត និងអនឡាញគ្រោងបញ្ជូនបុគ្គលិករបស់ខ្លួនទៅយកព័ត៌មានផ្ទាល់ដល់ប្រទេសម៉ាឡេស៊ីជាច្រើនទៀតផង។

ស្ថាប័នព័ត៌មានដែលច្បាស់ការបញ្ជូនបុគ្គលិកទៅស៊ីហ្គេមមានដូចខាងក្រោម