Neymar៖ ខ្ញុំចេញពី Barca គឺធ្វើតាមបេះដូង មិនមែនដោយសារ Messi ទេ
- 2017-08-04 13:30:45
- ចំនួនមតិ 0 | ចំនួនចែករំលែក 0
Neymar៖ ខ្ញុំចេញពី Barca គឺធ្វើតាមបេះដូង មិនមែនដោយសារ Messi ទេ
ចន្លោះមិនឃើញ
មុននេះបន្តិច ក្លឹបយក្សបារាំង PSG បានធ្វើសន្និសីទកាសែតបង្ហាញជាផ្លូវការរបស់ Neymar ដែលទើបតែផ្ទេរពី Barcelona កាលពីព្រឹកមិញក្នុងតម្លៃថ្លៃបំផុតក្នុងកំណត់ត្រាបាល់ទាត់ ជាមួយនឹងទំហំទឹកប្រាក់ ២២២លានអឺរ៉ូ។
កីឡាករសញ្ជាតិប្រេស៊ីលរូបនេះ បានឆ្លើយតបទៅនឹងសំណួរជាច្រើនពីសំណាក់អ្នកសារព័ត៌មាន ដែលក្នុងនោះក៏មានសំណួរទាក់ទងនឹងមូលហេតុនៃការចាកចេញរបស់រូបគេ និងម្ចាស់ពាន Ballon D'or ៥ សម័យ Messi ផងដែរ។ ទាក់ទងនឹងសំណួរគេបានសួរថា តើ Neymar ចាកចេញពី Barca ដោយសារ Messi? កីឡាករវ័យ២៥បានបដិសេធ ហើយថែមទាំងសរសើរ Messi ព្រមទាំងថាកីឡាករឆ្នើមរបស់អាហ្សង់ទីនរូបនេះ គឺជាកីឡាករដែលខ្លួនយកគំរូតាម។ ចំពោះមូលហេតុនៃការមកក្លឹបយក្សបារាំងនេះវិញ Neymar បានឆ្លើយថា "បេះដូងរបស់ខ្ញុំប្រាប់ខ្ញុំឲ្យមក Paris Saint-Germain "។ "ខ្ញុំពិតជារីករាយខ្លាំងណាស់ ខ្ញុំមិនអាចបរិយាយអារម្មណ៍ពេលនេះបានទេ។ ខ្ញុំមកទីនេះដើម្បីជួយក្រុមឈ្នះពានជាច្រើនតាមដែលអាចធ្វើបាន។ ខ្ញុំមកដើម្បីក្រេបការប្រកួតប្រជែងថ្មី និងឈ្នះពាន"។ សម្ដី Neymar.
ក្នុងអំឡុងពេលលេងឲ្យក្លឹប Barca អស់រយៈពេល ៤រដូវកាល កីឡាករវ័យ២៥ឆ្នាំរូបនេះស៊ុតបញ្ចូលទី បាន ៦៨គ្រាប់ បញ្ជូនឲ្យមិត្តរួមក្រុមបាន ៣៨ គ្រាប់ និងបង្កើតឱកាសក្នុងការស៊ុតរហូតដល់ទៅ ២៨៧ ដង។ Neymar នឹងពាក់អាវលេខ ១០ នៅក្នុង PSG៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
