កម្រងរូបភាពដ៏មានសុភមង្គល របស់គ្រួសារម៉ារីម៉ា នៅកោះដ៏ល្បីមួយកន្លែង

2017-08-07 02:14:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមគ្រួសារដ៏មានសុភមង្គល របស់កំពូលតារាហ្វីលីពីន Dingdong Dantes និង Marian Rivera បានចំណាយពេលដ៏មានតម្លៃសម្រាប់វិស្សមកាលរីករាយនៅកោះ Siargao។

កាលពីចុងសប្ដាហ៍មុនកន្លងទៅថ្មីៗ តារាប្រុស Dingdong បាននាំភរិយាបណ្ដូលចិត្ត Marian ព្រមទាំងកូនស្រី Baby Zia ដែលមានអាយុ ២១ខែ ទៅកម្សាន្តនៅកោះ Siargao ដែលជាតំបន់សម្រាកលម្ហែកាយល្បីមួយកន្លែងស្ថិតក្នុងប្រទេសហ្វីលីពីន។ ក្រុមគ្រួសារនេះ បានស្នាក់នៅ Bayud Boutique Resort ដែលជាកន្លែងកម្សាន្តពោរពេញដោយផាសុកភាព និងជាតំបន់ស្ងប់ស្ងាត់មួយនៅលើកោះ។ អ្វីដែលពិសេសនៅទីនោះក៏មានឆ្នេរសមុទ្រស្រស់ស្អាតនៅពីមុខផងដែរ។

គូស្នេហ៍កំពូលតារាគូនេះ និងកូនស្រីវិញ បានផ្ដិតយកទេសភាពដ៏ស្រស់ត្រកាលរបស់កោះ Siargao ព្រមទាំងបង្ហាញនូវស្ទីលថតរូបផ្សេងៗ ប៉ុន្តែអ្វីដែលគួរឲ្យចាប់អារម្មណ៍ជាងគេ គឺតារាស្រី Marian ទោះបីមានកូនហើយក្ដី តែថ្ងៃនោះនាងបានបង្ហាញរាងកាយដ៏សិចស៊ី គួរឲ្យគយគន់។

គួរបញ្ជាក់ផងដែរថា បើទោះជាមមាញឹកនឹងការងារយ៉ាងណាក្ដី ប៉ុន្តែក្នុងនាមជាឪពុកម្ដាយ គូស្នេហ៍តារាប្រុសស្រីមួយគូនេះមិនដែលភ្លេចខកខាន ក្នុងការចំណាយពេលជាមួយគ្រួសារជាទីស្រលាញ់របស់ពួកគេឡើយ។ នេះជាសុភមង្គលពិតៗ ពិតជាគួរឲ្យរំភើបជំនួស៕

ទស្សនារូបភាពនៃពេលវេលាដ៏រីករាយរបស់ពួកគេទាំងអស់គ្នា៖