កម្មវិធីចំណតក្បែរខ្ញុំបន្ថែមមុខងារកាន់តែទំនើប បង្កើតដោយសាស្រ្តចារ្យស្រ្តីវ័យក្មេង

2017-08-09 03:35:15
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីចំណតឡានក្រុងសាធារណៈមួយឈ្មោះ Stop Near Me ឬកម្មវិធីចំណតក្បែរខ្ញុំ ជាកម្មវិធីសម្រាប់ជួយដោះស្រាយបញ្ហារបស់ប្រជាជននិងយុវវ័យ ដែលពិបាកស្វែងរកចំណតឡានក្រុង និងការសម្រួលអ្នកដែលចូលចិត្តធ្វើដំណើរតាមរថយន្តក្រុងអាចស្វែងរកចំណតបានកាន់តែងាយស្រួលដូចទៅនឹងប្រទេសជឿនលឿនខាងប៉ែកអ៉ឺរ៉ុប។

សាស្ត្រាចារ្យផ្នែកវិទ្យាសាស្ត្រកុំព្យូទ័រកញ្ញា ប្លុង ម៉ាលីពណ៌ ដែលជាអ្នកអភិវឌ្ឍន៍កម្មវិធី Stop Near Me ឬកម្មវិធីចំណតក្បែរខ្ញុំ បានឲ្យដឹងថា បច្ចុប្បន្នកម្មវិធីនេះមានមុខងារ Share Locations ដែលជាមុខងារមួយជួយឲ្យអ្នកដឹងពីចលនារបស់ឡានក្រុងសាធារណៈចល័តទៅខាងទិសណា ខ្សែទីប៉ុន្មាន ហើយថែមទាំងអាចចែករំលែកព័ត៌មានទាំងនេះទៅកាន់មិត្តភក្តិអ្នកបានថែមទៀតផង។

កញ្ញាបន្ថែមថា ចំពោះមុខងារថ្មីៗទៀតដូចជា មុខងារ GPS គ្រោងនឹងដាក់បញ្ចូល រួមនឹងមុខងារមួយចំនួនទៀតដែលធ្វើឲ្យការប្រើប្រាស់កាន់តែងាយស្រួលជាងមុន។

អ្វីដែលគួរចាប់អារម្មណ៍បំផុតនោះគឺ ខាងសាលាក្រុងរាជធានីភ្នំពេញ ក៏គ្រោងនឹងបង្កើតឲ្យមានកម្មវិធី (app) អាចឲ្យប្រជាពលរដ្ឋមើលប្រព័ន្ធឡានក្រុងតាមរយៈទូរសព្ទដៃចល័តនេះដែរ។ ឆ្លើយតបនឹងបញ្ហានេះ កញ្ញាលើកឡើងថា ក៏ចង់សហការជាមួយខាងសាលាក្រុងដើម្បីបន្ថែមមុខងារ GPS ខាងលើបំពាក់លើរថយន្តក្រុងទាំងនោះដែរ

បើតាមអ្នកនាំពាក្យសាលារាជធានីភ្នំពេញ លោក ម៉េត មាសភក្ដី បានឲ្យដឹងថាក្រៅពី Smart Card លោកឲ្យដឹងទៀតថាសាលាក្រុងនឹងបង្កើតឲ្យមានកម្មវិធី (app) អាចឲ្យប្រជាពលរដ្ឋមើលប្រព័ន្ធឡានក្រុងតាមរយៈទូរសព្ទដៃចល័តថាតើឡានក្រុងនឹងមកដល់នៅទីតាំងណាមួយ ពេលប៉ុន្មាននាទីទៀត? សម្រាប់លោក មាស ម៉េតភក្តីប្រព័ន្ធទាំងពីរនេះនឹងរួមចំណែកបង្កភាពងាយស្រួលដល់អ្នកប្រើប្រាស់ អ្នកគ្រប់គ្រង និងមានភាពសុក្រឹត មិនអាចបន្លំបានឡើយ។

គោលបំណងដែលបង្កើតកម្មវិធីនេះឡើង សម្រាប់ជួយដោះស្រាយបញ្ហារបស់ប្រជាជននិងយុវវ័យ ដែលពិបាកស្វែងរកចំណតឡានក្រុង និងការសម្រួលអ្នកដែលចូលចិត្តធ្វើដំណើរតាមរថយន្តក្រុងអាចស្វែងរកចំណតបានកាន់តែងាយស្រួលដូចទៅនឹងប្រទេសជឿនលឿនខាងប៉ែកអ៉ឺរ៉ុបជាដើម។

រំឮកដែរថា កម្មវិធីចំណតក្បែរខ្ញុំ ឬ Stop Near Me បានបង្កើតឡើងតាំងពីខែមីនាឆ្នាំមុន តែវាមានមុខងារ សាមញ្ញ ៗ មានព័ត៌មានគ្រប់ខ្សែនិងចំណតរថយន្តក្រុងទាំងអស់ ពោលគឺមាន ៣ ខ្សែ និង ១៨០ ចំណតដែលខ្សែទី ១ រត់ពីគីឡូម៉ែត្រលេខ ៩ ដល់ស្ពានច្បារអំពៅ ខ្សែទី ២ រត់ពីផ្សាររាត្រី ដល់ក្រុងតាខ្មៅ និងខ្សែទី ៣ រត់ពី ផ្សារាត្រី ដល់ទីរួមខេត្តតាខ្មៅតែម្ដង ដែលអ្នកទាំងអស់គ្នាអាចដោនឡូតប្រើបានដោយមិនគិតថ្លៃ៕

ចុចដោនឡូតនៅទីនេះ Play Store | App Store