មួយឈុតពីរំដួលលិចទឹក ស្អាតដូចទេពធីតា ដឹងថាមកុដ និងគ្រឿងអលង្ការច្នៃពីអីអត់?

2017-08-09 07:38:50
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងបណ្ដាញសង្គមភាគច្រើនបានទទួលស្គាល់ថា រំដួលលិចទឹកពូកែក្នុងការច្នៃរបស់របរផ្សេងៗឱ្យចេញជាសម្លៀកបំពាក់ និងគ្រឿងអលង្ការផ្សេងៗដ៏ស្រោះស្អាត។ ពេលនេះប្លែកទៀតហើយ ព្រោះរំដួល បានគ្រងសម្លៀកបំពាក់ និងគ្រឿងអលង្ការធ្វើពីសំបកលាំងដ៏ស្រស់ស្អាត។

តារាដែលពោរពេញទៅដោយគំនិតច្នៃប្រឌិតរូបនេះបានប្រាប់ក្រុមការងារ Sabay ថា សម្លៀកបំពាក់នេះខ្លួនមិនមែនជាអ្នករចនាម៉ូដឡើយ តែគឺជាស្នាដៃរបស់មិត្តខ្លួន។ សម្លៀកបំពាក់ និងគ្រឿងអលង្ការទាំងអស់នេះគឺធ្វើពីសម្បកឡាំង បំណែកឌីស និងសម្បកខ្ចៅ។ គ្រឿងអលង្ការទាំងនេះមិនត្រូវបានផាត់ពណ៌ឡើយ តែមានភាពស្រស់ស្អាតមិនធម្មតា។

“មួយឈុតនេះខ្ញុំមិនមែនជាអ្នកច្នៃទេ ជាអ្នកច្នៃនិងរៀបចំឱ្យខ្ញុំទេ គាត់គ្រាន់តែចង់ឱ្យខ្ញុំជួយផ្សព្វផ្សាយ។ យើងអត់លាបពណ៌ទេព្រោះមិនចង់ឱ្យបាត់សម្រស់វត្ថុធាតុដើម”។

រាល់ការច្នៃម៉ូដផ្សេងៗដែលត្រូវបានគ្រងដោយរំដួលលិចទឹក មិនថាជារូបអ្វី ច្នៃចេញពីអ្វីគឺភាគច្រើនទទួលបានការកោតសរសើរ និងគាំទ្រយ៉ាងខ្លាំង ព្រោះបង្កប់ទៅដោយគំនិតច្នៃប្រឌិតខ្ពស់៕

អត្ថបទៈ ប៉ូ សាគុន