រថភ្លើងធុនស្រាលលើអាកាស អាចនឹងបង្កើតនៅកម្ពុជានាពេលខាងមុខ
- 2017-08-09 08:05:05
- ចំនួនមតិ 0 | ចំនួនចែករំលែក 0
រថភ្លើងធុនស្រាលលើអាកាស អាចនឹងបង្កើតនៅកម្ពុជានាពេលខាងមុខ
ចន្លោះមិនឃើញ
នាយករដ្ឋមន្ត្រីនៃប្រទេសជប៉ុន បានយល់ព្រមតាមសំណើររបស់លោកនាយករដ្ឋមន្ត្រីកម្ពុជា ក្នុងការសិក្សាគម្រោងបង្កើតថភ្លើងធុនស្រាលស្វ័យប្រវត្តិលើអាកាសដំបូងបង្អស់នៅកម្ពុជា។ តាមសេចក្ដីប្រកាសក្ដៅៗបានបញ្ជាក់ថា គម្រោងរថភ្លើងស្វ័យប្រវត្តិនេះ នឹងជួយសម្រួលចរាចរណ៍នៅរាជធានីភ្នំពេញ និងទាក់ទាញភ្ញៀវទេសចរ។ គម្រោងនេះ គេរំពឹងថា នឹងចំណាយថវិកា ប្រមាណ ៨០០លានដុល្លារ ។
ដោយឡែក កាលពីខែឧសភា កន្លងទៅ តាមរយៈជំនួបរវាងឯកឧត្តម ហោ ណាំហុង និងតំណាងរដ្ឋាភិបាលប្រទេសជប៉ុន Keiichi ISHII នៅវិមានសន្តិភាព។ ជប៉ុនត្រៀមសិក្សាគម្រោងរថភ្លើងស្វ័យប្រវត្តិលើអាកាសចំនួន ៣ខ្សែ។
ខ្សែទី ១ ចាប់ពី មហាវិថីកម្ពុជាក្រោម មហាវិថីព្រះមុនីវង្ស មហាវិថីសហព័ន្ធរុស្ស៊ី និងរង្វង់មូលចោមចៅ ខែ្សទី ២៖ ចាប់ពី មហាវិថីព្រះមុនីវង្ស រត់ស្របផ្លូវរថភ្លើង រួចបត់ឆ្វេងតាម ផ្លូវតាំងកសាង ចូលអាកាសយានដ្ឋានអន្តរជាតិភ្នំពេញ និងខ្សែទី៣ ចាប់ពីផ្សារថ្មី មហាវិថីហ្សាឌឺហ្គោល មហាវិថីព្រះមុនីរ៉េត ផ្លូវវេងស្រេង រង្វង់មូលចោមចៅ បត់មកអាកាសយានដ្ឋានអន្តរជាតិភ្នំពេញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
