Jack Ma មិនមែនជាអ្នកមានជាងគេនៅចិនទៀតទេព្រោះមានត្រកូល Ma ដូចគ្នាដណ្តើមយក

2017-08-09 11:32:39
ចំនួនមតិ 0 | ចំនួនចែករំលែក 0

ចន្លោះមិនឃើញ

Jack Ma បានធ្លាក់ចេញពីតំណែងអ្នកមានជាងគេនៅចិនខណៈ Ma Huaheng កាន់កាប់ជំនួសវិញ។នេះបើយោងតាមបញ្ជីកំពូលអ្នកមានជាងគេបំផុតនៅចិនរបស់ Forbes កាលពីថ្ងៃចន្ទម្សិលមិញ។

Ma Huaheng

ស្ថាបនិកនិងជានាយកប្រតិបត្តិជាន់ខ្ពស់របស់ក្រុមហ៊ុនអ៊ីនធើណិត Tencent លោក Ma Huateng ដែលភាគច្រើនគេស្គាល់តាមរយៈឈ្មោះ Pony Ma មានទ្រព្យសម្បត្តិសរុប៣៧ប៊ីលានដុល្លារ។ រីឯស្ថាបនិកក្រុមហ៊ុន Alibaba លោក Jack Ma មានត្រឹមតែ៣៦.២ប៊ីលានដុល្លារប៉ុណ្ណោះ។

ប្រាក់ចំណូលកប់ពពករបស់ Tencent បានមកពីអាជីវកម្ម WeChat ដែលជាកម្មវិធីសារអេឡិចត្រូនិកបង្កើតឡើងតាំងពីខែមករា២០១១ ហើយនៅឆ្នាំ២០១៧នេះ វាមានការពេញនិយមខ្លាំងបំផុតដោយមានអ្នកប្រើប្រាស់ជាង៩៣៨លាននាក់ប្រចាំខែ។ WeChatខុសប្លែកពីកម្មវិធីដ៏ទៃទៀតដូចជា WhatsApp ឬ Telegram ពោលអ្នកប្រើប្រាស់ទាំងអស់អាចបង់វិក្កយបត្រកុម្ម៉ង់ទំនិញផ្ទេរលុយនិងចំណាយរាល់ការទិញឥវ៉ាន់ក្នុងហាងនានានៅពេលពួកគេមានជម្រើសបង់តាមរយៈ WeChat។

ដោយឡែកកម្មវិធី AliPay របស់ Jack Ma គឺជាដៃគូប្រជែងខ្លាំងក្លាបំផុតរបស់ WeChat ក្នុងប្រទេសចិន។ ក្នុងឆ្នាំ២០១៧នេះ WeChat មានអ្នកប្រើប្រាស់ជាង៦០០លាននាក់ចំណែក AliPay មានត្រឹមតែ៤៥០លាននាក់។ គួររំឭកថា Pony Ma មានភាគហ៊ុនច្រើនជាងគេចំនួន៨,៧១%ក្នុងក្រុមហ៊ុនTencent៕