Liverpool បដិសេធសំណើ ៩០លានផោនពី Barca សុំទិញ Coutinho
- 2017-08-10 01:10:02
- ចំនួនមតិ 0 | ចំនួនចែករំលែក 0
Liverpool បដិសេធសំណើ ៩០លានផោនពី Barca សុំទិញ Coutinho
ចន្លោះមិនឃើញ
Liverpool បានច្រានចោលសំណើសុំទិញថ្មីដែលមានតម្លៃ១០០លានអឺរ៉ូ ឬស្មើ៩០លានផោន របស់ Barcelona ដែលចង់បាន Philippe Coutinho។
សំណើលើកទី២សុំទិញកីឡាករវ័យ២៥ឆ្នាំមានចំនួន៨៥លានអឺរ៉ូប៉ុណ្ណោះ បូកនឹង១៥លានទៀតសុំសម្រាប់ លក្ខខណ្ឌផ្សេងៗទៀតដែល Liverpool អាចទទួលបាននាថ្ងៃអនាគត។ យ៉ាងណាក៏ដោយក្លឹបជើងឯកអង់គ្លេស១៨សម័យកាលបានបដិសេធភ្លាមៗ និងអះអាងថាមិនលក់តារាឆ្នើមរបស់ខ្លួននោះទេ។
កាលពីខែកក្កដាលោក Jurgen Klopp បានបដិសេធសំណើលើកទី១របស់ក្រុមយក្សអេស្ប៉ាញដែលមានតម្លៃ៧២លានផោន និងប្រកាសថា Liverpool លែងជាក្លឹបលក់កីឡាករដើម្បីលុយដូចពីមុនហើយ។
Coutinho ស៊ុតបញ្ចូលទី១៤គ្រាប់ នៅរដូវកាលចាស់ និងទើបបន្តកុងត្រាថ្មី៥ឆ្នាំជាមួយក្លឹបប៉ុណ្ណោះកាលពីខែមករា។ ម្ចាស់អាវលេខ១០របស់មានមូលដ្ឋាននៅ Anfield មួយនេះគឺជាគោលដៅចម្បងដែល Barcelona ចង់យកទៅជំនួស Neymar៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
