មិនទាន់អីផង មានសេវាកម្មឡើងស៊េរីទៅ iPhone 8 បាត់

2017-08-10 02:38:21
ចំនួនមតិ 0 | ចំនួនចែករំលែក 0

ចន្លោះមិនឃើញ

iPhone 8 រំពឹងថានឹងបង្ហាញខ្លួនក្នុងពេលមួយខែទៀត ពោលនៅអំឡុងខែកញ្ញា។ ប៉ុន្តែមានហាងមួយចំនួននៅទីក្រុងហូជីមិញ ប្រទេសវៀតណាម បានចាប់ផ្ដើមបើកសេវាកម្មកែសម្បក iPhone ធម្មតាឡើងទៅ iPhone 8 បាត់ទៅហើយ។

អ្នកតំណាងហាងមួយរូបបានលើកឡើងថាសម្បក iPhone 8 របស់ពួកគេបានមកដល់ទីផ្សារតាំងពីដើមខែសីហា ហើយបច្ចុប្បន្នសេវាកម្មរបស់ខ្លួនទទួលបានការគាំទ្រគួរសម ដោយមួយថ្ងៃមានអតិថិជន ៥-៧ នាក់មកជាវសេវាកម្ម។ សម្បក iPhone 8 ដែលប្រើសម្រាប់ដូរមានពណ៌ខ្មៅរលោង, មាស, ស និង ក្រហម។ យ៉ាងណាក្ដីសម្បកនេះដូរបានតែសម្រាប់ iPhone 6, 6 Plus, 6s និង 6s Plus ដោយមិនអាចដូរលើ iPhone 7 ឬ 7 Plus បានព្រោះតែកាមេរ៉ា។

មួយវិញទៀតការដូរសម្បកនេះ ដូរបានតែសម្បកផ្នែកខាងក្រោយប៉ុណ្ណោះ ហើយប្ដូរមួយដងត្រូវចំណាយប្រមាណ ៦១ ដុល្លារ។ តាមការសង្កេតមើលទៅ សម្បកដែលប្ដូរនេះមានចំណុចដូចគ្នាតិចតូចប៉ុណ្ណោះជាមួយនឹង iPhone 8 ដែលលេចធ្លាយកន្លងមក ក្នុងនោះរួមមានកាមេរ៉ាភ្លោះបញ្ឈរ ហើយចំណុចដែលមើលទៅទើសភ្នែកបន្តិចគឺត្រង់ភ្លើង Flash ដែលស្ថិតនៅដាច់តែឯង៕