Willian ទុកចិត្ត Morata អាចរកគ្រាប់បាល់ជំនួស Costa បាន
- 2017-08-12 03:46:05
- ចំនួនមតិ 0 | ចំនួនចែករំលែក 0
Willian ទុកចិត្ត Morata អាចរកគ្រាប់បាល់ជំនួស Costa បាន
ចន្លោះមិនឃើញ
ខ្សែបម្រើប្រយុទ្ធរបស់ Chelsea កីឡាករ Willian បាននិយាយថា សោកស្ដាយដែលឃើញ Diego Costaចេញពីក្លឹប ប៉ុន្តែជឿជាក់ Alvaro Morata អាចបំពេញតំណែងប្រយុទ្ធនៅកីឡដ្ឋាន Stamford Bridge។
Costa បច្ចុប្បន្នកំពុងហាត់ម្នាក់ឯងនៅប្រទេសប្រេស៊ីល និងបានប្រាប់ Antonio Conte គេមិនចង់នៅយូរជាមួយតោខៀវទៀតទេ។ ទំនាក់ទំនងរបស់កីឡាករនិងអ្នកចាត់ការប្រេះឆា បន្ទាប់ពី Costa ខកខានផ្ទេរទៅក្លឹបចិន Tianjin Quanjian ក្នុងតម្លៃ៧៦លានផោន កាលពីខែមករាកន្លងទៅ។ ពេលនេះ កីឡាករអេស្ប៉ាញវ័យ២៨ឆ្នាំមិនទាន់រកក្លឹបថ្មីបានទេ ប៉ុន្តែចិត្តរបស់គេចង់ទៅក្លឹបចាស់ Atletico Madrid វិញ។
សាកសួរពី Costa និងកីឡាករចំណូលថ្មី Alvaro Morata ដែលផ្លាស់ពី Real Madrid ក្នុងតម្លៃ៧០លានផោន Willian បាននិយាយថា៖ "អ្នកគ្រប់គ្នាដឹងហើយអំពីគុណភាពប្រយុទ្ធរបស់ Diego Costa ហើយខ្ញុំស្ដាយណាស់ ព្រោះតែការចាកចេញរបស់គេ។ Costa មិនទាន់រកក្លឹបបានទេ ប៉ុន្តែ Morata ដែលទើបមកដល់ គេមានគុណភាពនិងដឹងពីរបៀបរកគ្រាប់បាល់ដូចគ្នា។ ខ្ញុំនិងកីឡាករដទៃនៅទីនេះតែងតែគាំទ្រកីឡាករថ្មី ដើម្បីឲ្យពួកគេជួយ Chelsea កាន់តែខ្លាំង ដូចពួកគេជួយក្លឹបចាស់"៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
