តួស្រីរឿង "Hunger Games” ស្រាតស្ទើរតែទាំងស្រុងសម្រាប់ទស្សនាវដ្ដីថ្មី

2017-08-12 06:13:35
ចំនួនមតិ 0 | ចំនួនចែករំលែក 0

ចន្លោះមិនឃើញ

តួឯកស្រីប្រចាំខ្សែរឿង "The Hunger Games” តារាសម្ដែង Jennifer Lawrence បានស្រាតស្ទើរតែទាំងស្រុងដើម្បីដាក់បញ្ចូលក្នុងទស្សនាវដ្ដី Vogue សម្រាប់ខែកញ្ញា។

រូបថតដែលទំព័រ Instagram ទស្សនាវដ្ដី Vogue បានបង្ហោះ

តារាវ័យ២៦ឆ្នាំរូបនេះមើលទៅគឺមិនមានតុបតែងមុខអ្វីឡើយ ប៉ុន្តែនៅតែមានមុខមាត់និងរូបរាងស្អាតមិនធម្មតា ដែលរូបភាពនេះត្រូវបានបង្ហោះលើបណ្ដាញសង្គម Instagram របស់ទស្សនាវដ្ដី Vogue។

បើសិនជាមើលតាមរូប តារាសម្ដែងឈ្នះពានអូស្ការរូបនេះមានពាក់អាវក្នុងពណ៌ស្បែកនិងលំអដោយខ្សែពណ៌មាសកាន់នឹងដៃ។

នៅលើរូបភាព Instagram នោះដែរ Vogue បានសរសេរថា "នៅអាយុ២៦ឆ្នាំ តារាប្រចាំគម្របទស្សនាវដ្ដី Jennifer Lawrence គឺជាតារាម្នាក់ដ៏ជោគជ័យ និងល្បីល្បាញប្រចាំពិភពលោកនេះរួចទៅហើយ។ នាងជាតារាដែលធ្លាប់មានឈ្មោះប្រជែងពានរង្វាន់អូស្ការចំនួន៤ដងនិងឈ្នះពាននេះសម្រាប់ការសម្ដែងក្នុងរឿង (Silver Lining Playbook) ដែលជាតារាល្បីដោយសារបង្ហាញខ្លួនក្នុងខ្សែរឿងដ៏ល្បី (The Hunger Games) ហើយក៏ជាតួអង្គសំខាន់ម្នាក់សម្រាប់ខ្សែរឿង (X-Men)"។

សម្រាប់អត្ថបទក្នុងទស្សនាវដ្ដីនេះដែរ Jennifer នឹងបង្ហាញពីអាជីពរបស់នាងនិងទំនាក់ទំនងស្នេហាជាមួយអ្នកដឹកនាំរឿងលោក Darren Aronofsky វ័យ ៤៨ឆ្នាំដែលនាងបានជួបពេលថតរឿងថ្មីរបស់នាង "Mother”៕