បែក​ធ្លាយ​លក្ខណៈសម្បត្តិ Nikon D850 ស្ទើរ​​ទាំង​អស់ មុន​ថ្ងៃ​ប្រកាស​ចេញ​លក់

  • 2017-08-13 01:05:00
  • ចំនួនមតិ

ចន្លោះមិនឃើញ

បន្ទាប់​ពី​ការ​ប្រកាស​ចេញ​លក់​ D7500 ក្នុង​​ឱកាស​គម្រប់​ខួប ១០០ ឆ្នាំ​កាល​ពី​ចុង​ខែ​កក្កដា​ កន្លង​ទៅ​ថ្មីៗ ពេល​​នេះ Nikon ត្រៀម​​ចេញ​កំពូល DSLR មួយ​ទៀត​​ដែល​មាន​សមត្ថភាព​មិន​ចាញ់​សិស្ស​ច្បង​នោះ​ទេ តែ​លក្ខណៈ​សម្បត្តិ​របស់​វា​ត្រូវ​បាន​គេ​ដឹង​មុន​ស្ទើរ​អស់​ទៅ​ហើយ តាម​រយៈ​វីដេអូ​ស្លាយ​មួយ​ដែល​​មាន​ប្រភព​មក​ពី​ចិន​។

Nikon D850

ខាង​ក្រោម​នេះ​ជា​លក្ខណៈ​សម្បត្តិ​ខ្លះៗ​របស់ Nikon D850

  • កម្រិត​ចាប់​រូបភាព​ ​២០ មេហ្គាភិចសែល
  • ថត​វីដេអូ​បាន​កម្រិត​ ​4K ជាមួយ​បច្ចេកវិទ្យា FX ដោយ​គ្មាន​ការ​ Crop
  • អាច​ថត​មុខ​ងារ timelapse កម្រិត 8K
  • ចំណុច​ចាប់​រូប​ស្វ័យប្រវត្តិ​ ​(AF point)​ ​១៥៣ ​គ្រាប់លើស​ជាង ៣០%ពី Nikon D7500
  • អាច​​ចាប់​រូប​ភាព​​បែប RAW File បាន​គ្រប់​ទំហំ​តូច មធ្យម និង​ធំបំផុត
  • ចំនួន​ផ្ដិត​រូប​ក្នុង​មួយ​វិនាទី​ 7fps(continuous shooting) 6fps(autofocus) 9 fps(battery grip)
  • ISO​ ​ចន្លោះ​ពី​ ៦៤ ​ដល់​ ​២៥ ៦០០
  • ប្រភេទ CMOS sensor កម្រិត 45.75MP FX full frame
  • កម្រិត 180,000 RGB sensor ដូច​ទៅ​នឹង Nikon D5
  • មាន​រន្ធ​សម្រាប់ដោត​ Dual SD + XQD card
  • ប្រើ​អេក្រង់​​ប្រភេទ LCD Touchscreen ទំហំ ៣,២ អ៉ីញ
  • មាន​បច្ចេកវិទ្យា Face detection និង enhanced scene recognition។

វីដេអូ​បែក​ធ្លាយ​លក្ខណៈ​សម្បត្តិ Nikon D850 ពី​ចិន​

ចំណែក​វិបសាយ​ផ្លូវការ Nikon ក៏​បាន​បង្ហើប​ពី​ដំណើរបង្ហាញ​​វត្តមាន​របស់​ Nikon D850 ក្នុង​ពេល​ឆាប់ៗ​នេះ​ដែរ ថែម​ទាំង​មាន​ភ្ជាប់​មក​ជាមួយ​វីដេអូ​ដែល​ថត​ដោយ D850 ពី​សំណាក់​អ្នក​ជំនាញ​ថែម​ទៀត​ផង។

តាម​រយៈ​លក្ខណៈ​សម្បតិ្ត​បែក​ធ្លាយ​ខាង​លើ មិន​ទាន់​ឃើញ​តម្លៃ​របស់​វា​បែក​ធ្លាយ​នៅ​ឡើយ​ទេ ដូចនេះ​មាន​តែ​រង់​ចាំ​មើល​ទាំង​អស់​គ្នា​នៅ​ថ្ងៃ​ប្រកាស​ចេញលក់​ផ្លូវការ​ ក្នុង​ពេល​ឆាប់​ៗ​ខាង​មុខ​នេះ៕

វីដេអូ​ដែល​ថត​ដោយ Nikon D850


ប្រភព៖ petapixel ប្រែ​សម្រួល៖ រក្សា