Leonardo ៖ គោលដៅខ្ញុំគ្មានអ្វីទេ ប៉ុន្តែយកតែមេដាយមាស១បានហើយ

2017-08-14 01:55:06
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Leonardo Vitorino គ្រូបង្វឹកក្រុមបាល់ទាត់ក្រោមអាយុ២២ឆ្នាំកម្ពុជា បានដាក់គោលដៅយកមេដាយមាសនៅត្រឹមស៊ីហ្គេមឆ្នាំនេះនៅម៉ាឡេស៊ីតែម្ដង។ នេះបើតាមសម្ដីលោកនិយាយកាលពីសន្និសីទកាសែតនៅម៉ាឡេស៊ី។

លោក Leonardo Vitorino

“កម្ពុជាបានរៀបចំក្រុមយ៉ាងល្អ។ គោលដៅរបស់យើងគ្មានអ្វីនោះទេ ក្រៅពីមេដាយមាស១។ កីឡាករក្មេងៗរបស់ខ្ញុំនឹងធ្វើគ្រប់យ៉ាងដើម្បីបង្កើតជាប្រវត្តិសាស្ត្រថ្មី”។ សម្ដីរបស់លោក Leonardo និយាយស្របពេលក្រុមដទៃទៀតក៏មានមហិច្ឆតាយកមេដាយដូចគ្នា។ ក្រុម U22 កម្ពុជានឹងប្រកួតបើកឆាកដំបូងរបស់ពួកគេប៉ះជាមួយក្រុមហ្វីលីពីន ហើយប្រកួតនេះអាចនឹងមិនមានវត្តមានខ្សែបម្រើឆ្នើម ច្រឹង ពលរដ្ឋ នោះទេ ត្បិតអីរូបគេមានបញ្ហារបួសអំឡុងពេលហ្វឹកហាត់។

ច្រឹង ពលរដ្ឋ

ការបាត់បង់កីឡាករសំខាន់នេះដែរ គ្រូបង្វឹកប្រេស៊ីលមិនមានក្ដីបារម្ភច្រើននោះទេ ព្រោះលោកមានកីឡាករអាចជំនួសតំណែងនេះបាន ប៉ុន្តែមិនអាចបញ្ជាក់ឈ្មោះឡើយ វាជាកលល្បិចក្នុងការរៀបយុទ្ធសាស្ត្រ។ មិនត្រឹមតែអវត្តមានខ្សែបម្រើម្នាក់នេះទេ កម្ពុជានឹងបាត់កីឡាករ២នាក់ទៀតគឺ សឿត បារាំង និងអ៊ឹង សុដាវិត ដែលត្រូវត្រលប់មកកម្ពុជាវិញ ដើម្បីចូលប្រលងបាក់ឌុប។

កម្មវិធីប្រកួតរបស់ U22 កម្ពុជា

- ថ្ងៃទី១៥ ខែសីហា ឆ្នាំ២០១៧ U22 កម្ពុជា Vs U 22 ហ្វីលីពីន ម៉ោង ៨:៤៥ នាទី

- ថ្ងៃទី១៧ ខែសីហា ឆ្នាំ២០១៧ U22 វៀតណាម Vs កម្ពុជា ម៉ោង ៤ :០០នាទី

- ថ្ងៃទី២០ ខែសីហា ឆ្នាំ២០១៧ U22 ថៃ Vs U 22 កម្ពុជា ម៉ោង ៨:៤៥ នាទី

- ថ្ងៃទី២២ ខែសីហា ឆ្នាំ២០១៧ U22 កម្ពុជា Vs ទីម័រខាងកើត ម៉ោង ៨:៤៥ នាទី

- ថ្ងៃទី២៤ ខែសីហា ឆ្នាំ២០១៧ U22 ឥណ្ឌូណេស៊ី Vs កម្ពុជា ម៉ោង ៤:០០នាទី

ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង៕

អានអត្ថបទបន្ថែម៖

កាន់តែពិបាក U22 កម្ពុជាអវត្តមានកីឡាករសំខាន់៣រូបមិនបានលេង ១ឬ២ប្រកួត

Real ឈ្នះ Barca ៣-១ មែន ប៉ុន្តែ Ronaldo អាចជាប់ពិន័យពី៤ទៅ១២ប្រកួត

ប្រភព៖ Football Tribe ប្រែសម្រួល៖ មុន្នីរម្យ