នេះហើយទឹកចិត្តប្អូន! ដើម្បីបង ប្អូនស្រី ទឹម រដ្ឋា សុខចិត្តធ្វើដល់ថ្នាក់ហ្នឹងផង

2017-08-16 02:29:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ទើរតែគ្រប់កម្មវិធីទីណាមាន ទឹម រដ្ឋា ទីនោះតែងតែមាន ទឹម វត្តី នៅជាមួយជានិច្ចមិនថាពេលយប់ឬពេលថ្ងៃនោះទេ។ រហូតធ្វើឲ្យមតិមួយចំនួនបានចោទជាសំនួរថា ហេតុអ្វីបានជា វត្តី ដើរតាមបងស្រីខ្លួនដល់ថ្នាក់ហ្នឹងតើនាងអត់ធុញខ្លះទេឬយ៉ាងណា?

ជុំវិញការលើកឡើងខាងលើនេះ ទឹម វត្តី បានប្រាប់ Sabay ថា មូលហេតុដែលរូបគេដើរតាម ទឹម រដ្ឋា ស្ទើរតែគ្រប់កម្មវិធី ព្រោះចង់ការពារ និងជួយសម្រួលការងារមួយចំនួនដល់បងស្រី កុំឲ្យហត់នឿយច្រើន ដូចជាជួយបើកឡាន ជួយយួរឥវ៉ាន់។ ក្រៅពីនោះចេញមុខការពារបងស្រីពេលមានអ្នកណាម្នាក់ប្រើសម្ដីមិនសមរម្យដាក់។

នាងថា៖“បងខ្ញុំគាត់ជាមនុស្សស្លូត អត់សូវបានសម្ដីចង់ឲ្យអ្នកណាថាអីថាទៅគាត់អត់ខ្វល់ ហើយក៏មិនតបតទៅវិញដែរ ប៉ុន្តែខ្ញុំជាអ្នកចេញមុខនិយាយជំនួសគាត់វិញ នៅពេលគេប្រើពាក្យសម្ដីមិនសមគួរដាក់គាត់ ហើយមិនមែនថាខ្ញុំកាចខុសរបៀបទេ តែខ្ញុំចេញមុខការពារគាត់មួយចប់អ៊ីចឹងហ្មង"។

វត្តី មិនដែលធុញទ្រាន់នោះទេ ចំពោះការដើរតាមបងស្រីខ្លួន មានតែសប្បាយរីករាយទៅវិញ ព្រោះនាងនិងបងស្រីស្រឡាញ់គ្នាខ្លាំងណាស់តាំងពីនៅតូច សូម្បីតែពេលខ្លះគេងលក់ទៅហើយនៅយល់សប្ដិឃើញដើរទៅណាមកណាជាមួយគ្នាថែមទៀត។ ទឹម វត្តី ថ្លែងបញ្ជាក់៕

ចុចអាន៖ចេញហើយ លទ្ធផលសាលក្រម រឿងក្ដី វ៉ាន់ នីឡា និងអតីតគូស្នេហ៍

ចុចអាន៖ស្រីស្អាត នៅ សូនីតា ដឹកដៃ ខេម ទៅអូស្ត្រាលី ធ្វើរឿងគួរឲ្យសរសើរ

ចុចអាន៖មនោសញ្ចេតនាកប់ពេកហើយ! Official Audio ថ្មី "គេចង់" របស់ ពិទូ

អត្ថបទ៖ ឆុង ស៊ីណាន