ច្បាប់ដ៏តឹងតែង និងភ្ញាក់ផ្អើលទាំង១១ របស់ក្រុមអ្នកលេងគ្រោះថ្នាក់បំផុត ម៉ាហ្វីយ៉ាម៉ិកស៊ីកូ

2017-08-16 04:23:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកលេងដ៏ល្បីឈ្មោះ និងគ្រោះថ្នាក់បំផុត ម៉ាហ្វីយ៉ាម៉ិកស៊ីកូ (Mexican Mafia ឬ Mafia Mexicana) ដែលត្រូវបានគេស្គាល់ថា La eMe គឺជាក្រុមឧក្រិដ្ឋកម្ម ដែលបានរៀបចំឡើងយ៉ាងល្អ នៅក្នុងសហរដ្ឋអាមេរិក។

ទោះបីជាវាមានឈ្មោះថា ម៉ាហ្វីយ៉ាម៉ិកស៊ីកូ ប៉ុន្តែក្រុមមួយនេះមិនមែនមានដើមកំណើតនៅប្រទេសម៉ិកស៊ីកូឡើយ ពោលគឺនៅសហរដ្ឋអាមេរិក។ ជាមួយគ្នានេះដែរ ក្រុមអ្នកលេងផ្សេងទៀត ដូចជា Sur 13 , MS-13 និង Florencia 13 បានប្រើប្រាស់លេខ ១៣ ដើម្បីបង្ហាញពីភក្ដីភាពចំពោះ ក្រុមអ្នកលេងម៉ាហ្វីយ៉ាម៉ិកស៊ីកូ។ អក្សរ M ស្ថិតនៅលេខរៀងទី ១៣ នៃអក្ខរក្រមអង់គ្លេស។

ក្រុមមន្ត្រីអនុវត្តច្បាប់ បានរាយការណ៍ថា ក្រុមម៉ាហ្វីយ៉ាម៉ិកស៊ីកូ La eMe នេះ គឺជាក្រុមអ្នកលេងដែលមានអំណាចបំផុត នៅក្នុងប្រព័ន្ធពន្ធនាគារកាលីហ្វញ៉ា។ យ៉ាងណាមិញ ដោយសារតែក្រុមអ្នកលេងខាងលើ មានឈ្មោះល្បីល្បាញខ្លាំង ដូច្នេះច្បាប់របស់ក្រុមមួយនេះ ក៏តឹងតែងខ្លាំងផងដែរ។

ខាងក្រោមនេះគឺជាច្បាប់ដ៏តឹងតែង និងភ្ញាក់ផ្អើលទាំង ១១ របស់ក្រុមអ្នកលេងគ្រោះថ្នាក់បំផុត ម៉ាហ្វីយ៉ាម៉ិកស៊ីកូ La eMe៖

#១ សមាជិកមិនមែនជាអ្នកផ្ដល់ព័ត៌មាន ឬរនុកក្នុង #២ សមាជិកមិនមែនជាជនកំសាក #៣ សមាជិកមិនអាចលើកដៃប្រឆាំងនឹងសមាជិកដទៃទៀត ដោយគ្មានការយល់ព្រមពីថ្នាក់លើឡើយ #៤ សមាជិកមិនត្រូវមើលងាយ ឬមិនគោរពចំពោះគ្រួសាររបស់សមាជិកណាម្នាក់ឡើយ រួមទាំងការសហាយស្មន់ជាមួយប្រពន្ធ ឬមិត្តស្រីរបស់សមាជិកផ្សេងផងដែរ #៥ សមាជិកមិនអាចលួចរបស់អ្វីមួយពីសមាជិកដទៃឡើយ #៦ សមាជិកមិនត្រូវស្រលាញ់ភេទដូចគ្នាឡើយ #៧ សមាជិកមិនត្រូវប្រឆាំងនឹងអ្នកដទៃ ឬបណ្ដាលឲ្យមានការបែកបាក់នៅក្នុងក្រុមឡើយ #៨ សមាជិកភាព គឺមួយជីវិត ពោលគឺចូលហើយមិនអាចដកខ្លួនចេញបានឡើយ) #៩ វាជាការចាំបាច់ក្នុងការវាយប្រហារ ឬសម្លាប់ អ្នកដែលចាកចេញ #១០ ត្រូវចាត់ទុកក្រុម La eMe ជាធំ (ធំជាងសមាជិកគ្រួសារទៅទៀត) #១១ សមាជិកមិនត្រូវជ្រៀតជ្រែក ជាមួយសកម្មភាពអាជីវកម្មរបស់សមាជិកផ្សេងទៀតឡើយ

ចុចអាន៖

ប្រភព៖ Therichest ប្រែសម្រួល៖ សេង ឡុង