លែងហ៊ានឲ្យគេខ្ចី ឬ ខ្ចីកាសគេហ្មង បើដឹងហេតុផលដ៏គគ្រិចនេះ
- 2017-08-16 07:02:23
- ចំនួនមតិ 0 | ចំនួនចែករំលែក 0
លែងហ៊ានឲ្យគេខ្ចី ឬ ខ្ចីកាសគេហ្មង បើដឹងហេតុផលដ៏គគ្រិចនេះ
ចន្លោះមិនឃើញ
ជឿថាអ្នកប្រាកដជាធ្លាប់ត្រូវមិត្តភ័ក្ដិខ្ចីកាស ឬ ធ្លាប់ខ្ចីកាសមិត្តភ័ក្ដិប្រើជាមិនខានឡើយ។ បន្ទាប់ពីដឹងពីហេតុផលដ៏គួរឲ្យរអើមមួយអ្នកច្បាស់ជាលែងធ្វើរឿងនេះជាមិនខាន។
ផ្អែកតាមការសិក្សារបស់វិបសាយ BuzzFeed ឲ្យដឹងថាត្រចៀករបស់មនុស្សមានពោរពេញដោយកោសិកាងាប់, បាក់តេរី រួមទាំងអាចម៍ត្រចៀកផងដែរ ប៉ុន្តែវាមិនប៉ះពាល់ដល់សុខភាពមនុស្សឡើយ។ អ្វីដែលជាបញ្ហាខ្លាំងគឺនៅលើកាសស្ដាប់ដែលដាក់ជាប់ត្រចៀក ដោយសារកាសទទួលយកសារធាតុគ្រប់បែបយ៉ាងពីបរិស្ថានជុំវិញប្រមូលផ្ដុំជាកំណ, ភាពស្អិត រួមទាំងសំណើមផងដែរ។
ប្រសិនបើកំណគ្របពេញលើកាសស្ដាប់ វាអាចជាស្រទាប់មួយដែលឃុំបាក់តេរី ទប់ស្កាត់មិនឲ្យចេញទៅណា ដូចនេះវាអាចរស់នៅលើកាសនេះ ហើយលូតលាស់បែកខ្ញែកកាន់តែច្រើន។
ដូចរំលឹកខាងលើថាបាក់តេរីដែលមានស្រាប់នៅក្នុងត្រចៀកមិនប៉ះពាល់អ្វីដល់សុខភាពមនុស្សឡើយ ប៉ុន្តែបើចំនួនបាក់តេរីនេះកើនឡើងលើសធម្មតាដោយសារការពាក់កាស នោះអាចធ្វើឲ្យប៉ះពាល់បាន ដូចជាបញ្ហាសើស្បែកជាដើម។ ជាដំណោះស្រាយដើម្បីកុំឲ្យកាសស្ដាប់របស់អ្នកមានជាប់សារធាតុមិនល្អ អ្នកអាចទុកដាក់វាក្នុងប្រអប់ឲ្យបានត្រឹមត្រូវ និង ប្រើតែម្នាក់ឯងបានហើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
