មកស្គាល់បវរកញ្ញាអាស៊ានទាំង ៦រូប ដែលអាចក្លាយជាបវរកញ្ញាចក្រវាលឆ្នាំ ២០១៧

2017-08-16 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រឡងប្រកួតប្រជែងបវរកញ្ញាចក្រវាល គឺកម្មវិធីដ៏ធំអស្ចារ្យដើម្បីជ្រើសរើសនារីស្អាត ឆ្លាតពូកែម្នាក់ប្រចាំឆ្នាំមកពីជុំវិញពិភពលោក។

មានបេក្ខនារីជយលាភីជាច្រើនបានទទួលជោគជ័យ និងក្លាយជាម្ចាស់មកុដដ៏ស្រស់ស្អាតប្រចាំប្រទេសនីមួយៗ ព្រមទាំងកំពុងត្រៀមខ្លួនទៅចូលរួមក្នុងព្រឹត្តិការណ៍ បវរកញ្ញាចក្រវាល លើកទី ៦៦ នេះ ប៉ុន្តែមិនទាន់ដឹងថាប្រទេសណាជាម្ចាស់ផ្ទះនៅឡើយ។

ដោយឡែក ក្នុងចំណោមស្រីស្អាតទាំងអស់ Sabay នឹងជ្រើសរើសតែបេក្ខភាព ៦រូប ដែលស្ថិតក្នុងប្រទេសសមាជិកអាស៊ាន យកមកជម្រាបជូនប្រិយមិត្ត នូវជីវប្រវត្តិត្រួសៗរបស់ពួកគេ៕

តើបវរកញ្ញាតំណាងប្រទេសនីមួយៗ ជានរណាខ្លះ ដូចនេះសូមទស្សនាដូចតទៅ៖

១. បវរកញ្ញាចក្រវាលរបស់ប្រទេសហ្វីលីពីន

Rachel Peters កើតថ្ងៃទី ២០ ខែតុលា ឆ្នាំ ១៩៩១ ជាកូនកាត់ហ្វីលីពីន-អង់គ្លេស មានកម្ពស់ ១៧៨សង់ទីម៉ែត្រ។ នាងជាតារាម៉ូដែល និងជាម្ចាស់មកុដ Miss Universe Philipine ឆ្នាំ ២០១៧។

២. បវរកញ្ញាចក្រវាលរបស់ប្រទេសថៃ

Maria Lynn Ehren កើតថ្ងៃទី ១៨ ខែមករា ឆ្នាំ១៩៩២ ជាកូនកាត់ថៃ-ស៊ុយអែត និងមានកម្ពស់ ១៨៤សង់ទីម៉ែត្រ។ នាងជាតារាចម្រៀង និងតារាម៉ូដែល ដែលទើបទទួលជោគជ័យក្នុងកម្មវិធីប្រឡងបវរកញ្ញា Miss Universe Thailand ឆ្នាំ ២០១៧។

៣. បវរកញ្ញាចក្រវាលរបស់ប្រទេសកម្ពុជា

Sotheary Bee (ប៊ី សុធារី) កើតថ្ងៃទី ០៨ ខែធ្នូ ឆ្នាំ១៩៩៨ មានកម្ពស់ ១៧៣សង់ទីម៉ែត្រ ជាជនជាតិខ្មែរ។ ស្រីស្អាតម្ចាស់តំណែង កញ្ញាឯកកម្ពុជាឆ្នាំ ២០១៦ រូបនេះ មានអាជីពជាតារាម៉ូដែលមានកេរ្តិ៍ឈ្មោះក្នុងប្រទេស និងក៏ជាបវរកញ្ញាចក្រវាលតំណាងកម្ពុជាចូលរួមក្នុងកម្មវិធី Miss Universe 2017 នាពេលខាងមុខដែរ។

៤. បវរកញ្ញាចក្រវាលរបស់ប្រទេសឥណ្ឌូណេស៊ី

Bunga Jelitha Ibrani កើតថ្ងៃទី ០៦ ខែកញ្ញា ឆ្នាំ១៩៩១ ជាជនជាតិឥណ្ឌូណេស៊ី និងមានកម្ពស់ ១៨០សង់ទីម៉ែត្រ។ អាជីពរបស់នាង គឺជាតារាសម្ដែង និងតារាម៉ូដែល។

៥. បវរកញ្ញាចក្រវាលរបស់ប្រទេសម៉ាឡេស៊ី

Samantha Katie James កើតថ្ងៃទី ២៨ ខែវិច្ឆិកា ឆ្នាំ១៩៩៤ មានកម្ពស់ ១៦៧សង់ទីម៉ែត្រ ជាកូនកាត់ ចិន-ប្រេស៊ីល។ ក្រៅពីអាជីពជាតារាម៉ូដែល នាងក៏ជាតារាសម្ដែងមួយរូបផងដែរ។

៦. បវរកញ្ញាចក្រវាលរបស់ប្រទេសមីយ៉ាន់ម៉ា

Zun Than Sin កើតថ្ងៃទី ២៦ ខែមិថុនា ឆ្នាំ១៩៩៦ មានកម្ពស់ ១៧៨សង់ទីម៉ែត្រ ជាជនជាតិភូមា (មីយ៉ាន់ម៉ា)។ Zun គឺជាតារាម៉ូដែល និងតន្រ្តីករដ៏ល្បីម្នាក់ប្រចាំប្រទេសមីយ៉ាន់ម៉ា។

ចង់ដឹងថា តំណែងម្ចាស់មកុដ បវរកញ្ញាចក្រវាលឆ្នាំ ២០១៧ នឹងបានទៅលើបេក្ខភាពមកពីប្រទេសណា? ដូចនេះសូមរង់ចាំតាមដានទាំងអស់គ្នា៕

អត្ថបទ៖ យី សុធារី