នៅជប៉ុនមានរ៉ូបូតព្រះសង្ឃ ស៊ីថ្លៃទាបបំផុតសម្រាប់ពិធីបុណ្យសព
- 2017-08-18 03:40:07
- ចំនួនមតិ 0 | ចំនួនចែករំលែក 0
នៅជប៉ុនមានរ៉ូបូតព្រះសង្ឃ ស៊ីថ្លៃទាបបំផុតសម្រាប់ពិធីបុណ្យសព
ចន្លោះមិនឃើញ
នៅប្រទេសជប៉ុនអ្នកនឹងឃើញមានមនុស្សយន្ត (រ៉ូបូត) បំពេញកិច្ចការងារជាច្រើនមានដូចជាអ្នកសម្អាត, អ្នករត់តុ ឬ អ្នកគិតលុយនោះទេ។ ប៉ុន្តែអ្វីដែលប្លែកបំផុតនោះគឺរ៉ូបូតត្រូវបានគេយកទៅប្រើក្នុងពិធីបុណ្យសព ដើរតួជំនួសព្រះសង្ឃ។
រ៉ូបូតដែលអាចដើរតួជាព្រះសង្ឃមានឈ្មោះថា Pepper បង្កើតឡើងដោយក្រុមហ៊ុន SoftBank Group ដោយវាមានកម្ពស់ ១,២ ម៉ែត្រ, មានដៃជើងកម្រើកបាន និងមានភាពវៃឆ្លាតទៀតផង។ Pepper ស្លៀកសំលៀកបំពាក់ប្រពៃណី ហើយរ៉ូបូតនេះត្រូវបានសរសេរកូដបញ្ជាដោយក្រុមហ៊ុន Nissei Eco ដើម្បីអាចសូត្រធម៌តាមអ្វីដែលព្រះសង្ឃតែងប្រារព្ធក្នុងពិធីបុណ្យសព។ ក្រុមហ៊ុន Nissei បានគិតថ្លៃលើសេវាកម្មដោយមួយពិធីស៊ីថ្លៃ ៤៥០ ដុល្លារ ដែលថោកជាងការចំណាយលើព្រះសង្ឃមែនទែន។
រ៉ូបូត Pepper បានបង្ហាញខ្លួនឡើងតាំងពីឆ្នាំ ២០១៤ មកម្ល៉េះ ដោយគេបានចាត់ទុកថាជារ៉ូបូតដំបូងគេក្នុងលោកអាចយល់ពីអារម្មណ៍ និង ទឹកមុខរបស់មនុស្ស ដោយសារវាអាចមើលឃើញទិដ្ឋភាពជុំវិញតាមរយៈកាមេរ៉ាក្នុងភ្នែករបស់វា។ មានរ៉ូបូត Pepper ប្រហែលជា ១០ ០០០ គ្រឿងកំពុងបានប្រើជុំវិញពិភពលោក ដោយរ៉ូបូតនីមួយៗត្រូវបានគេសរសេរកូដបញ្ចូលឲ្យបំពេញកិច្ចការជាក់លាក់ណាមួយ។ Pepper មានតម្លៃប្រហែល ១ ៦៧០ ដុល្លារ ឬអាចជួលក្នុងតម្លៃ ៣២០/មួយខែ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
