MSI ក្រុមហ៊ុន Gaming Laptop ធំលំដាប់ពិភពលោក បើក Showroom ដំបូងគេនៅកម្ពុជា ព្រឹកមិញ

2017-08-19 08:25:33
ចំនួនមតិ 0 | ចំនួនចែករំលែក 0

ចន្លោះមិនឃើញ

MSI ជាម៉ាក Hardware សម្រាប់ហ្គេមដែលនាំមុខគេនៅលើពិភពលោក បានបើកសម្ពោធ Concept Store ដំបូងបង្អស់នៅក្នុងទីក្រុងភ្នំពេញ ដោយបានសហការជាមួយ Dragon Computer កាលពីព្រឹកថ្ងៃសៅរ៍ នេះ។

MSI Concept Store នឹងអនុវញ្ញាតឲ្យអតិថិជនទាំងអស់ស្គាល់ពីបច្ចេកវិទ្យាចុងក្រោយបង្អស់របស់ MSI។ MSI ជាក្រុមហ៊ុនដំបូងគេក្នុងពិភពលោកដែលទទួលបានសិទ្ធិផ្តាច់មុខក្នុងការបំពាក់ Gaming Feature និងផ្គត់ផ្គង់គ្រប់ខ្សែស្រឡាយ Gaming Laptop ចាប់ពីកម្រិតទាបរហូតដល់កម្រិតខ្ពស់ ដើម្បីបំពេញតម្រូវការរបស់អ្នកលេងហ្គេមគ្រប់ប្រភេទ។

MSI ក៏បានបញ្ចេញម៉ូដែលថ្មីផងដែរគឺ GE63/73 Raider ដែលត្រូវបានរចនាយ៉ាងស្រស់ស្អាត ធ្វើពីអាលុយមីញ៉ូម បំពាក់ប្រព័ន្ធ Cooler Boost 5 ចុងក្រោយបង្អស់ គ្រប់ Key នីមួយៗមានភ្លើងចម្រុះពណ៌ RGB backlight, 120Hz Gaming Display និង Dynaudio Giant Speaker។ រាល់បច្ចេកវិទ្យាបំពាក់លើ GE63/73 Raider បាននាំមកនូវបទពិសោធលេងហ្គេមយ៉ាងល្អដល់អ្នកចូលចិត្តលេងហ្គេម ទៅលើល្បឿនដំណើការលឿន កម្រិតនៃភាពច្បាស់ គុណភាពសំឡេង ការគ្រប់គ្រង និងការភ្ជាប់ជាមួយអ៊ីនធឺណិត ដោយគ្មានរអាក់រអួល។

កញ្ញា Tanya Fang នាយកគ្រប់គ្រងក្រុមហ៊ុន MSI ផ្នែក Notebook ប្រចាំកម្ពុជា បានឲ្យដឹងថា ដោយសារមើលឃើញពីកំណើនសេដ្ឋកិច្ច និងជីវភាពប្រជាជនកម្ពុជា រីកចំរើនខ្លាំង គួបផ្សំជាមួយវិស័យហ្គេមមានសន្ទុះខ្លាំង ទើប MSI សម្រេចបើកសម្ពោធ MSI Concept Store ឡើងនៅពេលនេះ។

នាងបន្ថែមថា MSI Concept Store នឹងក្លាយទៅជាទីកន្លែងថ្មីមួយដែលនឹងផ្តល់ជូនអតិថិជនគ្រប់គ្នាជាមួយបទពិសោធថ្មីៗនៃបច្ចេកវិទ្យាចុងក្រោយបង្អស់នៃម៉ាស៊ីនហ្គេម។

កញ្ញា Tanya Fang នាយកគ្រប់គ្រង MSI ផ្នែក Notebook ប្រចាំកម្ពុជា កំពុងបង្ហាញកុំព្យូទ័រ MSI

MSI concept store នេះជា Concept Store ទី ១៥ ហើយ ដែលបានបើកបម្រើជូនអតិថិជនក្នុងតំបន់អាស៊ីនេះ។ ចាប់ពីពេលនេះ អតិថិជនទាំងអស់ អាចមកសាកល្បងប្រើប្រាស់ និងស្វែងយល់ឲ្យបានកាន់តែច្បាស់នូវផលិតផលថ្មីៗរបស់ MSI Notebook Game រួមជាមួយផលិតផល Game ជាច្រើន បានដោយសេរី។

ក្រៅពីបានសាកល្បងផលិតផល MSI រាល់ការទិញ MSI Laptop ម៉ូដែលណាមួយ ចាប់ពី ថ្ងៃទី ១៩-៣១ សីហា នឹងទទួលបានកញ្ចប់កាដូ ដូចជា Backpack, Gaming Headset, ឬ Gaming Mouse, Lucky edge of the cup, Mini Block ជាដើម អាស្រ័យទៅលើម៉ូដែលដែលអ្នកទិញ។