អ្នកគ្រូម្នាក់មានទាំងកូនតូចផងធ្វើដំណើរជិត១០០គីឡូម៉ែត្រដើម្បីប្រឡងបាក់ឌុប

2017-08-21 06:41:59
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគ្រូបង្រៀនជាប់កិច្ចសន្យាម្នាក់ធ្វើដំណើរក្នុងចំងាយផ្លូវជិត១០០គីឡូម៉ែត្រដើម្បីមកប្រឡងបាក់ ឌុបដោយយកទាំងកូនតូចអាយុទើបប្រាំបីខែមកជាមួយផង ដោយរំពឹងថាខ្លួននឹងប្រឡងជាប់ និងបានក្លាយជាគ្រូក្រមខណ្ឌរបស់ក្រសួងអប់រំយុវជន និងកីឡា។ នេះបើតាមការផ្សាយនៅលើទំព័រហ្វេសប៊ុកអង្គភាពប្រឆាំងអំពើពុករលួយនារសៀលនេះ។

(ពីឆ្វេងទៅស្តាំ៖ ស្វាមី និងអ្នកគ្រូ ឡុញ ស្រីពៅ)

បើតាមអង្គភាពប្រឆាំងអំពើរពុករលួយអ្នកគ្រូមានឈ្មោះថា ឡុញ ស្រីពៅ ជាគ្រូជាប់កិច្ចសន្យាបង្រៀនថ្នាក់ទី១នៅសាលាបឋមសិក្សាសហគមន៍រំលិច ក្នងឃុំក្រពើពីរ ស្រុកវាលវែង ខេត្តពោធិសាត់ ហើយជាបេក្ខជនប្រឡងស្វ័យរិនសម្រាប់សម័យប្រឡងឆ្នាំនេះ។ អ្នកគ្រូបានធ្វើដំណើរមកកាន់មណ្ឌលប្រឡងនៅទីរួមខេត្តដោយមានចំងាយផ្លូវជិត១០០គីឡូម៉ែត្រ។

ស្វាមីអ្នកគ្រូបានជូនអ្នកគ្រូមកកាន់មណ្ឌលប្រឡង និងបានជួយមើលកូនពេលអ្នកគ្រូចូលប្រឡង។ បើតាមអង្គភាពប្រឆាំងអំពើពុករលួយអ្នកគ្រូជាគ្រូជាប់កិច្ចសន្យា និងបានទទួលប្រាក់ឧបត្ថម្ភប្រហែល៤០ម៉ឺនរៀលពីរដ្ឋាភិបាលក្នុងមួយខែ។ អ្នកគ្រូរំពឹងថានឹងប្រឡងបាក់ឌុបជាប់ហើយអាចមានឱកាសប្រឡងធ្វើជាគ្រូក្រមខណ្ឌកម្រិតថ្នាក់បឋមសិក្សាបាន៕

អត្ថបទ៖ ទូច សុខា

រូបភាព៖ ACU