Liverpool ត្រូវការត្រឹមស្មើយប់នេះដើម្បីទៅ UCL លើកដំបូងនៅ៣ឆ្នាំចុងក្រោយ

2017-08-23 09:44:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ហង្សក្រហម Liverpool នឹងត្រូវបើកទ្វារកីឡដ្ឋាន Anfield របស់ខ្លួនស្វាគមន៍ក្រុម Hoffenheim វេលាម៉ោង១:៤៥នាទីរំលងអាធ្រាត្រដើម្បីកាត់សេចក្ដីថាតើក្រុមណាមានកៅអីទៅវគ្គចែកពូល UEFA Champions League។

ការប្រកួតជើងទីមួយនៅទឹកដីអាល្លឺម៉ង់ក្រុមលោក Jurgen Klopp បានយកឈ្នះម្ចាស់ផ្ទះ ២-១ ធ្វើឲ្យពួកគេត្រូវការត្រឹមស្មើប៉ុណ្ណោះដើម្បីកក់កៅអីទៅជុំបន្ទាប់។ Hoffenheim មិនដែលឈានដល់វគ្គចែកពូល Champions League នោះទេខណៈ Liverpool មិនធ្លាប់បរាជ័យក្នុងទឹកដីក្រោមថ្វីដៃក្រុមអាល្លឺម៉ង់នៅពានទ្វីបអឺរ៉ុបឡើយ។

ក្នុងសន្និសីទកាសែត Klopp បានថ្លែងពីការប៉ះគ្នាយប់នេះថា៖ "Anfield គឺជាផលចំណេញសម្រាប់ក្រុម។ ពួកយើងដឹងថាការលេងក្នុងទឹកដីគឺពិសេស។ អ្នកគាំទ្រទាំងអស់ត្រៀមខ្លួនរួចរាល់ដើម្បីប្រយុទ្ធ ដូច្នេះកីឡាករក៏រួចរាល់ដូចគ្នា"។ Nagelsmann អ្នកចាត់ការ Hoffenheim និយាយថា៖ "ក្រុមរបស់យើងមិនភិតភ័យចំពោះការលេងនៅ Anfield នោះទេ។ ពួកយើងនឹងលេងពោរពេញដោយជំនឿចិត្តថានឹងអាចឈ្នះម្ចាស់ផ្ទះបាន"៕