ក្បាលរ៉ូប៊ីនេស្វ័យប្រវត្តិនិយមប្រើនៅផ្សារទំនើប ដំណើរការដូចម្ដេច?
- 2017-08-24 08:01:11
- ចំនួនមតិ 0 | ចំនួនចែករំលែក 0
ក្បាលរ៉ូប៊ីនេស្វ័យប្រវត្តិនិយមប្រើនៅផ្សារទំនើប ដំណើរការដូចម្ដេច?
ចន្លោះមិនឃើញ
នៅតាមផ្សារទំនើបជាច្រើននាទីក្រុងភ្នំពេញបាននិយមប្រើប្រាស់នូវក្បាលរ៉ូប៊ីនេស្វ័យប្រវត្តិ ដែលអាចបង្ហូរទឹក ឬ បិទទឹកបានដោយខ្លួន ដោយមិនបាច់ឲ្យមនុស្សទាញបិទ ឬ បើកដូចក្បាលរ៉ូប៊ីនេធម្មតាឡើយ។
ក្បាលរ៉ូប៊ីនេស្វ័យប្រវត្តិនេះដំណើរការបានដោយមានគ្រឿងវត្ថុធាតុសំខាន់ៗចំនួនបួន៖
១. សន្ទះអ៊ីសូឡង់ ដែលមានតួនាទីចាប់ផ្ដើម ឬ បញ្ឈប់លំហូរទឹក
២. Sensor និងគ្រឿងបញ្ជាអេឡិចត្រូនិក ដែលគួបផ្សំគ្នាអាចដឹងពីវត្តមានរបស់វត្ថុនៅពីមុខក្បាលរ៉ូប៊ីនេ ហើយបញ្ជាឲ្យសន្ទះអ៊ីសូឡង់ចាប់ផ្ដើមប្រតិបត្តិការលំហូរទឹក។ បន្ទាប់មកពេលដែលវត្ថុលែងមានវត្តមាន Sensor និងគ្រឿងបញ្ជាអេឡិចត្រូនិក នឹងបញ្ជាឲ្យសន្ទះអ៊ីសូឡង់បញ្ឈប់លំហូរទឹក។
៣. ប្រភពថាមពល វាអាចដំណើរការដោយប្រើថ្ម ឬ ប្រើឧបករណ៍ចម្លងចរន្ត។ ថ្មដែលគេនិយមប្រើគឺ C, AA និងថ្មលីចូមថាមពល ៦ ឬ ៩ វ៉ុល។ ដោយឡែកសម្រាប់ក្បាលរ៉ូប៊ីនេស្វ័យប្រវត្តិដែលប្រើឧបករណ៍ចម្លងចរន្ត ចំណាយតិចលើការផលិត និងមានតម្លៃខុសៗគ្នាតាមទីផ្សារ។
៤. បំពង់បង្ហូរទឹក ដែលមាននាទីបង្ហូរទឹក។ បំពង់ខ្លះមានបំពាក់នូវគ្រឿងបន្លាស់បីខាងលើមកជាមួយតែម្ដង ហើយខ្លះទៀតមានបំពាក់ខ្សែអុបទិកដើម្បីបញ្ចូលសញ្ញាទៅវិញទៅមករវាង Sensor៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
