មុនដាក់ចិត្តរង់ចាំទិញ iPhone 7s ពិចារណាប៉ុន្មានចំណុចនេះសិន

2017-08-24 23:23:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រៅពីទូរសព្ទ iPhone 8 ពាក្យចចាមអារ៉ាមជាច្រើនបានរំពឹងទុកពីការបង្ហាញខ្លួននៃស្មាតហ្វូន ២ ម៉ូដែលផ្សេងទៀត គឺ iPhone 7s និង 7s Plus។ ជឿជាក់ថាប្រិយមិត្តមួយចំនួន ខ្លះកំពុងគិតគូរបណ្ដើរៗហើយ ខ្លះទៀតទំនងកំពុងស្ទាក់ស្ទើរចិត្តថាគួរទិញឬអត់?

Sabay បង្ហាញអំពីចំណុចសំខាន់ ៥ យ៉ាងដែលអ្នកត្រូវពិចារណាឲ្យដិតដល់។

១.សាកល្បងកាន់ប្រើ iPhone 7/7 Plus ជាមុនសិន

ទូរសព្ទ iPhone 7s/7s Plus រំពឹងបង្ហាញខ្លួននៅខែក្រោយ សឹងតែ ១០០ ភាគរយគេជឿជាក់ថាមានទំហំតួខ្លួននិងអេក្រង់ប៉ុនគ្នាធៀបនឹង iPhone 7/7 Plus ធម្មតា។ អ្នកអាចសាកល្បងខ្ចីទូរសព្ទម៉ូដែលនោះ ពីមិត្តភ័ក្ដិឬនរណាម្នាក់សិន ហើយកាន់សាកល្បងចុចប្រើប៉ុន្មាននាទី តើអ្នកអាចសម្របនឹងស្មាតហ្វូនទំហំអេក្រង់ធំប៉ុណ្ណឹងបានឬក៏អត់? រវាងអេក្រង់ ៤,៧ អ៊ីញ និង ៥,៥ អ៊ីញ គួរជ្រើសមួយណា ឬត្រូវចិត្តជាមួយអេក្រង់ធំជាងហ្នឹងទៀត? ២.តាមដានលក្ខណៈសម្បត្តិ iPhone 7s

កាន់តែកៀកដល់ថ្ងៃបង្ហាញខ្លួន លក្ខណៈសម្បត្តិជាច្រើននឹងកាន់តែបែកធ្លាយ។ អ្នកអាចយកលក្ខណៈសម្បត្តិទាំងនោះ មកប្រៀបធៀបជាមួយស្មាតហ្វូនដែលទើបតែបង្ហាញខ្លួននៃស្លាកយីហោដទៃដូចជា Galaxy S8/S8+, LG G6, LG V30 និង HTC U11។ តើមួយណាប្រសើរជាង? អ្នកពេញចិត្តនូវលក្ខណៈសម្បត្តិម៉ាស៊ីនប្រភេទណា? ទាំងនោះជាអ្វីដែលអ្នកត្រូវគិតគូរឲ្យបានច្បាស់ សឹមបញ្ជាក់នៅថ្ងៃចេញវត្តមាននៃ iPhone 7s ពិតប្រាកដម្ដងទៀតក៏បាន។ រំឭកថាក្រៅពីនោះ អ្នកអាចរង់ចាំមើល ពពួកស្មាតហ្វូនបង្ហាញខ្លួនចុងឆ្នាំ មានដូចជា Pixel 2 របស់ Google និង Mate 10 របស់ Huawei។

៣.ទម្លាប់ជាមួយ iOS 11 បានឬក៏អត់?

ពិតណាស់ iPhone 7s/7s Plus នឹងមានជាប់ប្រព័ន្ធប្រតិបត្តិ iOS 11 មកពីនាយស្រាប់ ហើយអ្នកក៏មិនអាច Downgrade មកវិញបានដែរ។ ប្រិយមិត្តខ្លះពេលដែលមើលវីដេអូ Beta នៃ iOS 11 អាចគិតថាពិបាកប្រើ មានភាពផ្លាស់ប្ដូរច្រើនពេក ឬអ្នកដែលអ្នកធ្លាប់ប្រើ Android អាចគិតថានៅចាញ់ Android 8.0 អ៊ីចឹងទៅ។ ទស្សនាវីដេអូខាងក្រោមពីមុខងារធំៗនៃ iOS 11: https://youtu.be/TDP1XjLtn2s

៤.មើលទូរសព្ទស៊េរីចាស់សិន

គិតចុះគិតឡើង អ្នកអាចយល់ថាការចំណាយលុយច្រើនហួសហេតុលើទូរសព្ទជំនាន់ក្រោយ មិនជារឿងល្អឡើយ ម្ល៉ោះហើយអ្នកអាចផ្លាស់ប្ដូរចិត្តមកមើលទូរសព្ទស៊េរីមុនវិញ រួមមាន Galaxy S8, iPhone 7, iPhone 6s ឬ LG G6 ដែលទម្រាំដល់ថ្ងៃបង្ហាញខ្លួន iPhone 7s ម៉ូដែលដូចបានរៀបរាប់ទាំងអស់នេះ អាចជាចុះថ្លៃបន្តិចបន្តួចថែមទៀតផង។

៥.ចាប់ផ្ដើមសន្សំ

តម្លៃទូរសព្ទថ្មី iPhone ដាក់លក់ប៉ុន្មានឆ្នាំចុងក្រោយនេះ នៅអាមេរិកស្ថិតក្នុងតម្លៃថេរ ៦៤៩ ដុល្លារ។ ប៉ុន្តែបើនិយាយពីទីផ្សារក្នុងស្រុក រៀងរាល់ iPhone ចេញលក់ដំបូង តាមបណ្ដាហាងចែកចាយនានា ច្រើនដំឡើងថ្លៃ iPhone ម៉ូដែលនោះ មិនក្រោម ១ ពាន់ដុល្លារឡើយ គាប់ជួនឆ្នាំនេះគម្រប់ខួប ១០ ឆ្នាំនៃ Apple ដែលជារឿងធ្វើឲ្យគេភ័យព្រួយថាតម្លៃ iPhone អាចឡើងក្បែរ ២ ពាន់ដុល្លារពេលចេញលក់ដំបូងនិងមិននទាន់ចូលមកដល់ហាងចែកចាយផ្ដាច់មុខ។

ចំណុចនេះអ្នកអាចគិតដោយខ្លួនឯង បើចង់ទិញគឺត្រូវចាំយ៉ាងហោចណាស់ ១ ទៅ ២ ខែក្រោយចេញលក់នៅក្នុងស្រុកឬម្យ៉ាងទៀតមិនចង់ចាំយូរអាចពិចារណាលៃលកស្មាតហ្វូនម៉ូដែលផ្សេងទៅតាមចំណូលចិត្តរបស់អ្នក។

ប្រភព៖ GottabeMobile ប្រែសម្រួល៖ ប៊ុណ្ណារ៉ា

ពាក្យទាក់ទង

ចំណេះដឹងបច្ចេកវិទ្យា កៅ រក្សា

អត្ថបទពេញនិយម

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

វត្ដមានរោងចក្រផ្គុំ និងដំឡើងរថយន្តតូយ៉ូតា ប្ដេជ្ញាអភិវឌ្ឍសេដ្ឋកិច្ច និងធនធានមនុស្សនៅកម្ពុជា

Toyota នឹងដំឡើងរថយន្ត Fortuner និងភីកអាប់ Hilux នៅកម្ពុជា ប្រមាណ ១៣២០គ្រឿងក្នុងឆ្នាំនេះ

ឆ្នាំមុនពឹងឈើច្រត់ ឆ្នាំនេះ យូប៊ីន ត្រៀមដើរកម្រលព្រំក្រហមទីក្រុងកានដោយភាពជឿជាក់

តិចអត់ដឹង! ផ្លូវជាតិលេខ៥ ម្តុំផ្លូវវាងក្រុងកំពង់ឆ្នាំង ត្រូវបានដំឡើងឧបករណ៍រាប់ចំនួន និងការប្រើប្រាស់ល្បឿនយានយន្ត

អត្ថបទថ្មី

អាស៊ានមានសាកលវិទ្យាល័យ ២ ដែលជាប់ក្នុងចំណាត់ថ្នាក់សាលាកំពូលទាំង ១០ នៅអាស៊ី

Ten Hagថា Man Utd ពិតជាធ្លាប់ទាក់ទងចង់បាន Harry Kane

Postecoglou ទទួលស្គាល់ថា Spurs ពិតជាលេងមិនកើតក្នុងប្រកួតតទល់នឹង Chelsea

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

Tesla ទើបតែចេញឡានអគ្គិសនី ប្រភេទ Performance ថ្មី ជាន់ពីកុងទ័រ 0-100 KM/H ប្រើពេលត្រឹម 2.9 វិនាទីប៉ុណ្ណោះ!