២០ វិនាទីម្នាក់ ជើងខ្លាំងខាង Review ទូរសព្ទនិយាយអ្វីខ្លះពី Galaxy Note 8?

2017-08-27 04:07:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមការងារនៃគេហទំព័រ AndroidAuthority បានចេញទៅសម្ភាសន៍ផ្ទាល់បុគ្គលល្បីៗជាច្រើនរូប ដែលជំនាញខាង Review ទូរសព្ទបង្ហោះលើប្រព័ន្ធ YouTube ដើម្បីចង់ដឹងមតិរបស់ពួកគេជុំវិញ Galaxy Note 8។

-Nirave Gondhia: Note 8 ជាទូរសព្ទអេក្រង់ធំ ដែលបំពាក់ប៊ិច S-Pen មកជាមួយយ៉ាងល្អ បន្សំនឹងគុណភាពកាមេរ៉ាភ្លោះដ៏អស្ចារ្យ ដោយទោះបីមានតម្លៃថ្លៃបន្តិច ប៉ុន្តែលោកចង់បានវា។

-Dom Espocito: មើលទៅវាមិនខុសពី S8+ ដែលបន្ថែមប៊ិចមកជាមួយឡើង បើអ្នកចង់ទទួលបានសមត្ថភាពពិសេសក្នុងការប្រើប្រាស់ជាមួយ S-Pen អ្នកគួរជ្រើសរើស Note 8 តែបើអត់ទេអ្នកគួរប្រើត្រឹម S8+ ក៏បានដែរ

-GadgetMatch:សមត្ថភាពមិនខុសច្រើនទៅនឹង S8 ឡើយ ទាំងការបំពាក់អេក្រង់ Infinity Display គ្រាន់ខុសត្រង់កាមេរ៉ាភ្លោះ ប៉ុន្តែគាត់នៅមិនពេញចិត្តដែល SAMSUNG មិនទាន់ប្តូរទីតាំងស្កេនខ្ចៅដៃរក្សាជិត Sensor កាមេរ៉ាដដែល

.-GadgetsBoy: ស្រដៀងនឹងការលើកឡើងពីខាងលើ លោកសរសើរថាត្រកូល Note ឆ្នាំនេះធ្វើបានល្អគ្រប់យ៉ាង ប៉ុន្តែនៅចង់ស្នើឲ្យ SAMSUNG ប្តូរទីតាំងស្កេនខ្ចៅដៃដាក់ឲ្យឆ្ងាយពី Sensor កាមេរ៉ា

-BooredatWork: លោកសប្បាយចិត្តនឹងការត្រលប់មកវិញនៃត្រកូល Note បន្ថែមនឹងមុខងារពិសេសនៃការវិវត្តប៊ិច S-Pen ហើយអ្វីដែលអស្ចារ្យគឺកាមេរ៉ាភ្លោះរបស់វាតែម្ដង គាត់ពេញចិត្ត Note 8

-SuperSafTV: ពេញចិត្តនូវអេក្រង់ Infinity Display, ប៊ិច S-Pen ថ្មី និងកាមេរ៉ាភ្លោះជាមួយមុខងារទប់លំនឹង OIS ធ្វើបានប្រសើរជាងមុន

-MrMobile: ក្រោយបានជួប Note 8 ធ្វើឲ្យលោកគ្មានការព្រួយបារម្ភដូចទៅនឹង Note 7 ឆ្នាំមុនឡើយ ប៉ុន្តែទន្ទឹមនឹងតម្លៃរាងថ្លៃបន្តិច ជាកត្តាប៉ះពាល់ដល់អារម្មណ៍អ្នកដែលគិតគូរទិញ S8+

-PocketNow: សប្បាយចិត្តនឹងការវិលមកវិញនៃត្រកូល Note ជាពិសេសគឺការវិវត្តប៊ិច S-Pen និងកាមេរ៉ាភ្លោះដ៏អស្ចារ្យ

សរុបជារួមមតិរបស់ជើងខ្លាំងខាង Review ទូរសព្ទក្រៅស្រុកទាំងអស់ បានសរសើរមិនដាច់ពីមាត់ជុំវិញតួខ្លួននិងការវិវត្តប៊ិច S-Pen ដ៏អស្ចារ្យរបស់ Note 8 ហើយក៏មិនមានការព្រួយបារម្ភពីបញ្ហាសុវត្ថិភាពដូច Note ឆ្នាំទៅដែរ គ្រាន់ថាពួកគេទំនងជាមិនសូវជាពេញចិត្តនឹងតម្លៃរបស់វាប៉ុន្មានឡើយ។