Cloudy Height សមរភូមិប្រយុទ្ធថ្មីក្នុងភូមិបុរាណចិនគេបោះបង់ចោល

2014-11-10 21:28:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សមរភូមិប្រយុទ្ធថ្មីនឹងបង្ហាញខ្លួនទៀតហើយនៅថ្ងៃពុធខាងមុខនេះ ជាមួយនឹងការ Update ចូល Version ថ្មីមួយទៀតនៃសេវាកម្សាន្ត FireStorm។ មិនសូវខុសពីការ Update កាលពី Version មុនដែលសេវាកម្សាន្ត FireStorm នាំប្រិយមិត្តទៅប្រយុទ្ធនៅប្រាសាទចាស់បុរាណ ម៉ាយ៉ាន សម្រាប់ Version ថ្មីនេះ FireStorm នឹងនាំប្រិយមិត្តទៅប្រយុទ្ធនៅក្នុងភូមិបុរាណចំណាស់មួយទៀត គឺ Cloudy Height ភូមិបុរាណចិនដែលត្រូវគេបោះបង់ចោល។

សម្រាប់ផែនទីប្រយុទ្ធថ្មីនេះផងដែរ គឺជាសមរភូមិប្រយុទ្ធ PVP មិនមែនជាសមរភូមិប្រយុទ្ធជាមួយបិសាចរមាស ឬ PVE ដូចការដែលប្រយុទ្ធនៅក្នុងប្រាសាទបុរាណម៉ាយ៉ានឡើយ។ ខ្មាន់កាំភ្លើងទាំងអស់នឹងត្រូវប្រយុទ្ធគ្នាជាក្រុម (Quick Revival និង Team Death Match) នៅក្នុងភូមិដ៏ស្ងប់ស្ងាត់ដែលសម្បូរទៅដោយសំណាក់បែកបាក់ រហែកធ្លុះធ្លាយនេះ ដើម្បីទទួលបានជ័យជម្នះ។

បន្ថែមពីសមរភូមិប្រយុទ្ធថ្មី សំលៀកបំពាក់ប្រយុទ្ធបែបចិនបុរាណលាយសម័យ Ethnic Costume ក៏នឹងបង្ហាញខ្លួនផងដែរ។ អាវពណ៌ក្រហម ខ្សែក្រវាត់ពណ៌មាស បន្ថែមជាមួយនឹងស្បែកជើងកែងធ្វើអំពីសូត្រ ធ្វើឲ្យតួអង្គនារីមើលទៅ Cute និងស៊ិចស៊ីមែនទែន ខណៈតួអង្គបុរសក៏សង្ហារមិនធម្មតា ដោយមានអាវពណ៌ក្រហមដូចគ្នារំលេចទៅដោយដៃអាវពណ៌ស និងខោជើងវែងបែបកីឡា។

ចំណែកសព្វាវុធវិញកាន់តែគួរឲ្យចាប់អារម្មណ៍ទៅទៀត ដោយចាប់ពី Version នេះទៅអ្នកកម្សាន្តអាចប្រើស្នាថ្មី ZK Multiple Crossbow ដែលជាស្នាបាញ់ម្ដងចេញដល់ទៅ ៥ ព្រួញ។ អ្វីដែលពិសេសជាងនេះទៅទៀតនោះគឺថា ស្នានេះអាចកម្ចាត់ពពួកក្រុមបិសាច Zombie បានយ៉ាងងាយ ព្រោះគ្រាប់ព្រួញស្នានេះនឹងបន្ថែមកម្លាំង Damage នៅពេលដែលបាញ់ចំ Zombie។

អត្ថបទ៖ ភីឆាយ