Drone ចាប់សញ្ញាត្រីឆ្លាម នឹងមានប្រើនៅអូស្ត្រាលីឆាប់ៗ

2017-08-29 03:08:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់ពីខែក្រោយនេះប្រទេសអូស្ត្រាលីនឹងដាក់ប្រើប្រាស់នូវ Drone ដែលអាចចាប់ដានត្រីឆ្លាមនៅតាមមាត់សមុទ្រ ដោយជាផ្នែកមួយនៃការបង្កើតកម្រិតសុវត្ថិភាពរបស់ឆ្នេរសមុទ្រ។

Drone ដែលគ្រោងដាក់ប្រើប្រាស់មានបំពាក់ដោយកម្មវិធីដំណើរការដោយបច្ចេកវិទ្យា AI ដែលអាចដឹងពីលក្ខណៈខុសគ្នារបស់ត្រីឆ្លាម, ទូក និងសត្វសមុទ្រដទៃទៀតបានដោយភ្លាមៗ។ Drone ដែលមានឈ្មោះថា "Little Ripper” នេះធ្លាប់បានប្រើជាលើកដំបូងក្នុងកម្មវិធីសាកល្បងកាលពីឆ្នាំមុន។ គួរបញ្ជាក់ថាមនុស្សមានសមត្ថភាពអាចវិភាគត្រូវពីសត្វឆ្លាមត្រឹម ២០ ទៅ ៣០ ភាគរយប៉ុណ្ណោះ ចំណែកឯ Drone វិញអាចវិភាគត្រូវដល់ ៩០% ឯណោះ។

ប្រសិនបើ Drone ចាប់បានសញ្ញាត្រីឆ្លាម វានឹងផ្ដល់សញ្ញាឮៗដល់អ្នកកំពុងហែលទឹក ហើយថែមអាចបញ្ចេញនូវក្បូនសុវត្ថិភាព និងភ្លើងសម្រាប់នាំផ្លូវពេលអាសន្នសម្រាប់មនុស្សដែលកំពុងស្ថិតក្នុងគ្រោះថ្នាក់បានទៀតផង៕

ប្រភព៖ The Verge ប្រែសម្រួល៖ សុខហេង