បើកម៉ូតូកាត់ទឹក មិនចង់ខូចការធំអស់លុយទៅរកជាង ត្រូវចេះវិធីការពារ
- 2017-08-31 03:09:32
- ចំនួនមតិ 0 | ចំនួនចែករំលែក 0
បើកម៉ូតូកាត់ទឹក មិនចង់ខូចការធំអស់លុយទៅរកជាង ត្រូវចេះវិធីការពារ
ចន្លោះមិនឃើញ
អាកាសធាតុរដូវនេះជារដូវវស្សា ងាយរងឥទ្ធិពលព្យុះភ្លៀង។ ការបើកបរក៏ត្រូវប្រយ័ត្ន ដូចជានៅពេលបើកកាត់ទឹក អាចនាំបញ្ហាដល់គ្រឿងម៉ាស៊ីន។
ប្រសិនបើម៉ូតូលិចចូលទៅក្នុងទឹកលិចម៉ាស៊ីនហើយរលត់បាត់ ច្បាស់ណាស់វាប្រាកដជាមានបញ្ហាប្រព័ន្ធភ្លើងឬទឹកចូលម៉ាស៊ីន។
តាមលោកណាំ ជាជាងជួសជុលម៉ូតូនៅម្ដុំផ្សារទួលសង្កែបានប្រាប់ថា ប្រសិនបើមានបញ្ហានេះកើតឡើងត្រូវអនុវត្តន៍តាមវិធីដូចខាងក្រោម។
1/ ជិះល្បឿនថេរ
កុំបន្ថយហ្គែរ ត្រូវជិះក្នុងល្បឿនថេរ ព្រោះបើបន្ថយហ្គែរអាចធ្វើឲ្យម៉ាស៊ីនរលត់បាន ហើយក៏មិនគួរបើកក្នុងល្បឿនលឿនពេក ដែលអាចបង្កើតជាទឹករលក ធ្វើឲ្យប៉ះពាល់ដល់ម៉ាស៊ីន។
2/ កុំព្យាយាមបញ្ឆេះម៉ាស៊ីន
ក្នុងករណីដែលម៉ូតូរលត់ មិនត្រូវព្យាយាមបញ្ឆេះនោះទេ គឺត្រូវបណ្ដើរម៉ូតូទៅកាន់ទីទួល និងយកទៅត្រួតពិនិត្យជាបន្ទាន់នូវចំណុចដូចជា ប្រេងម៉ាស៊ីន សំបុក Air, ប៊ូស្ស៊ី និង ខ្សៀវជាដើម កុំព្យាយាមបញ្ឆេះព្រោះវាអាចធ្វើឲ្យមានបញ្ហាធ្ងន់ធ្ងរជាងនេះ។
នៅពេលមានទឹកលិចឬចូល វានឹងធ្វើឲ្យម៉ាស៊ីនឆ្លង ដូចនេះអ្នកគួរតែដោះមើលក្បាលបូស៊ីឬខ្សែភ្លើងដែលទាក់ទងនឹងប្រព័ន្ធបញ្ឆេះផ្លុំឬជូតវាឲ្យស្ងួត និងពិនិត្យមើលភ្លើងស៊ីញ៉ូមុខក្រោយឬអំពូលភ្លើង
3/ ត្រួតពិនិត្យប្រព័ន្ធភ្លើង
នៅពេលមានទឹកលិចឬចូលវានឹងធ្វើឲ្យប្រព័ន្ធភ្លើងរបស់ម៉ាស៊ីនអ្នកឆ្លងដូចនេះអ្នកគួរតែដោះមើលក្បាលបូស៊ីឬខ្សែភ្លើងដែលទាក់ទងនឹងប្រព័ន្ធបញ្ឆេះផ្លុំឬជូតវាឲ្យស្ងួតនិងពិនិត្យមើលភ្លើងស៊ីញ៉ូមុខក្រោយឬអំពូលភ្លើង។
4/ ត្រួតពិនិត្យប្រេង
បន្ទាប់ពីមានទឹកចូលម៉ាស៊ីនវាអាចជាបញ្ហាដល់ប្រេងម៉ាស៊ូតប្រេងឥន្ធនព្រោះវាអាចមានទឹកចូលដូចនេះអ្នកអាចបង្ហូរវាចេញឲ្យបានស្អាតឬអាចផ្លាស់ប្ដូរវាចេញដើម្បីឲ្យម៉ាស៊ីនដំណើរការបានស្រួលឡើងវិញ។
5/ ត្រួតពិនិត្យប្រព័ន្ធហ្រ្វាំង
មុនពេលចេញដំណើរអ្នកត្រូវពិនិត្យមើលប្រព័ន្ធហ្រ្វាំងប្រេងហ្រាំ្វងម៉ូតូ ជៀសវាងមានបញ្ហាជាប់គាំនៅពេលធ្វើដំណើរ។
នៅពេលដែលទៅដល់ផ្ទះហើយ អ្នកត្រូវលាងសម្អាតនូវកន្លែងដែលមានទឹកកខ្វក់ចូល ព្រោះទឹកទាំងនោះអាចធ្វើឲ្យប៉ះពាល់ដល់ផ្នែកផ្សេងៗនៃម៉ូតូ ដូចជាប្លាស្ទិក និងអាលុយមីញ៉ូម គឺស្លេកពណ៌និងឡើងច្រែះជាដើម។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
