ប្រធានសហព័ន្ធប្រដាល់គុនខ្មែរមិនចាប់អារម្មណ៍នឹងសម្ដីប្រទេសមួយចំនួន
- 2017-08-31 04:43:17
- ចំនួនមតិ 0 | ចំនួនចែករំលែក 0
ប្រធានសហព័ន្ធប្រដាល់គុនខ្មែរមិនចាប់អារម្មណ៍នឹងសម្ដីប្រទេសមួយចំនួន
ចន្លោះមិនឃើញ
ឯកឧត្ដម តែម ម៉ឺន ប្រធានសហព័ន្ធប្រដាល់គុនខ្មែរបានលើកឡើងមុននេះថា លោកមិនបានដឹងនូវអ្វីដែលគេបាននិយាយអំពីរឿងបន្ធូរដៃ ឬអាណិតក្នុងពេលប្រកួត ដើម្បីឲ្យប្រទេសណាបានមេដាយខ្លះនោះទេ ប៉ុន្តែលោកបានត្រឹមតែលើកឡើងថា «ប្រកួតឈ្នះគឺឈ្នះហើយ មើលឃើញនឹងភ្នែកស្រាប់ គ្នាខំវ៉ៃចង់ងាប់មានខ្លះសន្លប់ មានខ្លះវ៉ៃទាំងឈឺ និងខ្លះទៀតបែកមុខបែកមាត់»។ ប្រធានសហព័ន្ធរូបនេះបន្តទៀតថា អ្នកណាគេថាអីក៏ថាទៅជារឿងរបស់គេ ហើយអ្នកដែលស្ដាប់ឭ និងបានឃើញពិចារណាតាមនឹងទៅ ចុងក្រោយលោកក៏សង្កត់ធ្ងន់ទៀតថា ឈ្នះគឺឈ្នះហើយ ចាញ់គឺចាញ់។
សម្រាប់ប្រតិភូប្រដាល់គុនខ្មែរ និងកីឡាករ ម៉ឺន សុភា បានវិលត្រលប់មកដល់កម្ពុជាកាលពីព្រឹកមិញហើយ ខណៈអ្នកប្រដាល់គុនខ្មែរ ៤រូបទៀតនឹងមកដល់កម្ពុជានៅល្ងាចថ្ងៃទី៣១ សីហា បន្ទាប់ពីចូលរួមប្រកួតស៊ីហ្គេមលើកទី២៩ អស់រយៈពេលប៉ុន្មានមកនេះ៕