នៅចាំតួស្រី សុផាន់ម៉ៃទេ? ពេលនេះ ឈឺធ្ងន់ដល់ថ្នាក់សង្គ្រោះបន្ទាន់ទៀត!
- 2017-09-06 03:42:40
- ចំនួនមតិ 0 | ចំនួនចែករំលែក 0
នៅចាំតួស្រី សុផាន់ម៉ៃទេ? ពេលនេះ ឈឺធ្ងន់ដល់ថ្នាក់សង្គ្រោះបន្ទាន់ទៀត!
ចន្លោះមិនឃើញ
នៅពេលដែលរម្លឹកដល់តួស្រី "សុផាន់ម៉ៃ" គេនឹងនឹកឃើញដល់តារាសម្ដែង Nusaba Wanichangkul ព្រោះតាមរយៈរឿងដែលនាងសម្ដែងជាតួស្រីឈ្មោះនេះ កេរ្តិ៍ឈ្មោះនាងពិតជាសុសសាយណាស់។
មកដល់ពេលបច្ចុប្បន្ន តារាស្រីជើងចាស់ Nusaba (សុផាន់ម៉ៃ) នៅតែបន្តអាជីពជាតារាសម្ដែងដូចមុន ប៉ុន្តែមួយរយៈចុងក្រោយនេះ នាងត្រូវសម្រាកព្យាបាលខ្លួន ដោយសារជំងឺប្រចាំកាយ។ កាន់តែគួរឲ្យបារម្ភ ថ្មីៗនេះ Nusba ត្រូវបញ្ជូនចូលពេទ្យភ្លាមៗ ដោយសារអាការៈរលាកខ្នែងពោះវៀនធ្វើទុក្ខខ្លាំង ហើយទទួលការវះកាត់ជាបន្ទាន់ រយៈជាង ១ម៉ោង នៅមន្ទីរពេទ្យក្នុងទីក្រុងបាងកក Siriraj Hospital។
ជាព័ត៌មានរីករាយ ពេលនេះ ការវះកាត់បានចប់សព្វគ្រប់ ប្រកបដោយសុវត្ថិភាពហើយ ហើយអ្នកគាំទ្រទាំងអស់ ក៏បានធូរចិត្តខ្លះដែរ។ ជាមួយគ្នានោះ ដើម្បីជាការថ្លែងអំណរគុណដល់អ្នកគាំទ្រខ្លួនទាំងឡាយ សុផាន់ម៉ៃក៏បានបង្ហោះសារលើ Instagram ផងដែរ។
ថ្វីបើពេលវេលាកន្លងផុតទៅអស់រយៈពេលយូរទៅហើយក្ដី ក៏ប្រជាប្រិយភាពតារាស្រីមុខស្រទន់រូបនេះហាក់នៅមិនសាបសូន្យដែរ។ ចំណែកឯសម្រស់វិញ ទោះពេលនេះនាងមានកូនធំទន្ទឹមខ្លួនយ៉ាងណាក្ដី ប៉ុន្តែ សុផាន់ម៉ៃនៅតែស្រស់ស្អាត គួរឲ្យស្រឡាញ់ដូចពីក្រមុំអីចឹង៕