ឈ្នះកម្ពុជាថ្ងៃមុនមែន ប៉ុន្តែវៀតណាមអាចអស់១ម៉ឺនដុល្លារ ព្រោះអ្នកគាំទ្រកំពូលរបស់ខ្លួន
- 2017-09-08 02:08:09
- ចំនួនមតិ 0 | ចំនួនចែករំលែក 0
ឈ្នះកម្ពុជាថ្ងៃមុនមែន ប៉ុន្តែវៀតណាមអាចអស់១ម៉ឺនដុល្លារ ព្រោះអ្នកគាំទ្រកំពូលរបស់ខ្លួន
ចន្លោះមិនឃើញ
សហព័ន្ធបាល់ទាត់វៀតណាម អាចនឹងត្រូវពិន័យ១ម៉ឺនដុល្លារ ដោយសារតែមិនអាចគ្រប់គ្រងអ្នកគាំទ្ររបស់ខ្លួននៅស្ដាតអូឡាំពិកកាលពីប្រកួតជាមួយកម្ពុជាក្នុងពានរង្វាន់ 2019 Asian Cup វគ្គជម្រុះ។
ដូចដែលប្រិយមិត្តដឹងស្រាប់ហើយ វៀតណាមទៅប្រកួតដល់ទីណាក៏ដោយ ក៏មានអ្នកគាំទ្ររបស់ពួកគេទៅជួយស្រែកហ៊ោលើកទឹកចិត្តផងដែរ។ តួយ៉ាងដូចជាការប៉ះជាមួយកម្ពុជាថ្ងៃមុននោះ ត្បិតតែមានចំនួនតិចជាងអ្នកគាំទ្រកម្ពុជាមែន ប៉ុន្តែអ្នកគាំទ្រវៀតណាមនៅតែអាចបង្កជារឿងអស្ចារ្យមួយបានដដែល ដោយអាចដុតកាំជ្រួចភ្លើង(lighting flares) ផ្អើលកីឡដ្ឋានអូឡាំពិក។
ទិដ្ឋភាពមិនធ្លាប់មាននៅកម្ពុជានេះហើយ បានធ្វើឱ្យខាង AFC កំពុងតែស៊ើបអង្កេតនិងដាក់ពិន័យទៅដល់សហព័ន្ធបាល់ទាត់វៀតណាមចំពោះការមិនអាចគ្រប់គ្រងអ្នកគាំទ្ររបស់ខ្លួន ធ្វើឱ្យមានការភ្ញាក់ផ្អើលក្នុងការប្រកួត។ ចំពោះរឿងដែលកើតឡើងនេះដែរ ភ្លាមៗកាលគ្រានោះ ខាងប៉ូលិសកម្ពុជាក៏បានទៅព្រមានដល់អ្នកគាំទ្រវៀតណាមផងដែរ ចំពោះរឿងនេះ ប៉ុន្តែមិនបានចាប់ខ្លួននោះទេ។
រំលឹកទៅការប្រកួតនោះទៀត វៀតណាមបានយកឈ្នះកម្ពុជាក្នុងលទ្ធផល ២-១ ហើយនោះក៏ជាជ័យជម្នះលើកដំបូងរបស់ពួកគេផងដែរ ក្នុងការប្រកួតវគ្គជម្រុះក្នុងពូល 2019 Asian Cup ៕