ខាន់ ជេមស៍ មិនធ្វើដូច ខេមរៈ សិរីមន្ត ទេ!
- 2017-09-08 03:11:42
- ចំនួនមតិ 0 | ចំនួនចែករំលែក 0
ខាន់ ជេមស៍ មិនធ្វើដូច ខេមរៈ សិរីមន្ត ទេ!
ចន្លោះមិនឃើញ
ខណៈតារាចម្រៀង លោក ខេមរៈ សិរីមន្ត ចេញចេញពីផលិតកម្មសាន់ដេ ទៅចូលក្នុងផលិតកម្មរស្មីហង្សមាស លោក ខាន់ ជែមស៍ ក៏ជិតផុតកុងត្រាដូចគ្នា ប៉ុន្តែតារាចម្រៀងរូបនេះ បានអះអាងថា ខ្លួនមិនមានគម្រោងចេញពីផលិតកម្មមួយនេះទេ ពោលគឺលោកបានបន្តកុងត្រារហូតដល់ទៅ៥ឆ្នាំថែមទៀតឯណោះ។
មូលហេតុដែលនាំឲ្យលោក ខាន់ ជែមស៍ សម្រេចនៅបន្តជាមួយផលិតកម្មសាន់ដេ មិនមែនមិនមានផលិតកម្មផ្សេងទាក់ទងឡើយ គឺមានច្រើនណាស់ ប៉ុន្តែលោកមិនព្រមទៅ ក៏ព្រោះតែលោកគិតថា ទីនេះគឺបានផ្ដល់ភាពកក់ក្ដៅសម្រាប់លោកសមល្មមហើយ គួបផ្សំអនុស្សាវរីយជូរចត់ជាមួយគ្នាច្រើនផង។" ទើបនឹងចុះហ្នឹង បើបូកទាំងកុងត្រាចាស់នៅសល់ផងនោះ ខ្ញុំត្រូវនៅសាន់ដេ ៦ឆ្នាំ ទៅ៧ឆ្នាំទៀត ឯណោះ ចេញទៅណាអត់រួចទេ យើងបានហែលឆ្លងជាមួយគ្នា មានអនុស្សាវរីយច្រើនណាស់"។ ខាន់ ជែមស៍ លើកឡើង។
តារាចម្រៀងរូបនេះបានបន្តទៀតថា ខ្លួនគ្រោងបញ្ចេញ Original song ជាច្រើនបទទៀតឆាប់ៗខាងមុខនេះ ដែលបទចម្រៀងទាំងនោះ លោករំពឹងថា នឹងមានការគាំទ្រច្រើន ត្បិតអីការផលិតឡើងផ្ដោតលើយុវវ័យទាំងអស់។ ទន្ទឹមគ្នានោះដែរទីផ្សារចេញច្រៀងតាមខេត្តវិញ លោកប្រាប់ថា ក៏ចាប់ផ្ដើមមានអតិថិជនកក់ជាបណ្ដើរៗហើយ រង់ចាំផុតរដូវភ្លៀងតែប៉ុណ្ណោះ។
"បទថ្មីក៏ខ្ញុំត្រៀមចេញច្រើនឆាប់ៗនេះហ្នឹង ហើយបើ Concert ឲ្យស្រាបៀវិញ គេកក់បណ្ដើរៗ ចាំតែផុតរដូវភ្លៀងហ្នឹង ដឹងតែអត់មានពេលសម្រាកហើយ រឿងអីខ្ញុំត្រូវចេញទៅកន្លែងថ្មី"។ម្ចាស់បទ"របាំចងស្នេហ៍" ថ្លែងបញ្ជាក់។
គួរំលឹកផងដែរថា លោក ខាន់ ជែមស៍ បានចូលជ្រកក្នុងផលិតកម្មសាន់ដេក្នុងអំឡុង ឆ្នាំ ២០១២ ពោលបន្ទាប់ពីផលិតកម្ម Rock បានប្រកាសផ្អាក។ ទោះបីជាលោកបានជ្រកក្នុងផលិតកម្មមួយនេះច្រើនឆ្នាំហើយក្ដី ប៉ុន្តែបទចម្រៀងរបស់លោកត្រូវបានមហាជនមើលឃើញថា មិនសូវមានបទផ្ទុះខ្លាំងដូចកាលនៅក្នុងផលិតកម្ម Rock ឡើយ។ បទចម្រៀងរបស់លោកកាលនៅផលិតកម្ម Rock ដែលមានការគាំទ្រខ្លាំង រហូតមកដល់បច្ចុប្បន្ន មានដូចជា បទ "របាំចងស្នេហ៍" បទ "សម្រែកបេះដូង" បទ"បើមិនស្រលាញ់អាណិតធ្វើអ្វី" និងបទ "ស្ដាយក្រោយ" ជាដើម៕
ចុចអាន៖