ក្រោយផ្តួល Chorkchai បានសម្រេច ឡៅ ចន្ទ្រារៀបរាប់ពីជើងខ្លាំងថៃម្នាក់នេះ

2017-09-11 01:06:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ឡៅ ចន្រ្ទា សរសើរដៃជើងខ្កាំងថៃ Chorkchai នៅតែល្អចាប់ឡើងជង្គង់ល្អ និងកម្លាំងខ្លាំង ប៉ុន្តែខ្លួនបានហាត់ត្រៀមទប់ទល់នឹងក្បាច់ទាំងនេះបានច្រើនសម្រាប់ប្រកួតមិត្តភាព និងជំនួបសងសឹកនេះផងដែរ។

កីឡាករ ឡៅ ចន្រ្ទា

ឡៅ ចន្រ្ទា បានប្រាប់ថា ខ្លួនពិតជាត្រេកអរជាខ្លាំងក្រោយឈ្នះកីឡាករជើងខ្លាំង Chorkchai ព្រោះអ្នកប្រដាល់រូបនេះបានយកឈ្នះកីឡាករកម្ពុជាជាច្រើនរូប និងធ្លាប់ឈ្នះរូបគេពីមុនផង។ ដោយធ្លាប់ជួបគ្នាម្ដងរួចមកហើយ ចន្រ្ទា ថា កីឡាករថៃរូបនេះគឺពូកែចាប់វ៉ៃជង្គង់ ដូច្នេះខ្លួនព្យាយាមមិនឲ្យដៃគូចាប់អោបបានស្រួលនោះឡើយ ហើយត្រូវរកវិធីទប់ក្បាច់ឡើងជង្គង់របស់ Chorkchai។

កីឡាករថៃ Chorkchai

ម្ចាស់មេដាយមាសកីឡាជាតិលើកទី១បន្តទៀតថា សម្រាប់ការប្រកួតសងសឹកនេះ រូបគេព្រួយបារម្ភខ្លះៗដែរ ពីព្រោះត្រូវប៉ះជើងខ្លាំងបែបនេះ។ ណាមួយរបួសដៃកាលពីមុនក៏មិនទាន់ជាដូចដើមទាំងស្រុងឡើយ ប៉ុន្តែដោយការខំប្រឹងប្រែង និងបានហ្វឹកហាត់ត្រៀមគ្រប់គ្រាន់ទើបបានលទ្ធផលល្អបែបនេះ។

កីឡាករ ឡៅ ចន្រ្ទា

កីឡាករ ឡៅ ចន្រ្ទា ជាអ្នកប្រដាល់ពីក្លឹបទ័ពពិសេសឆ័ត្រយោង ៩១១ ចំពោះការប្រកួតសងសឹកនៅយប់ថ្ងៃអាទិត្យ ទី១០ កញ្ញា នេះអ្នកប្រដាល់វ័យក្មេងរូបនេះផ្ដួលជើងខ្លាំងថៃ Chorkchai ឲ្យបោះបង់ការប្រកួតនៅដើមទឹកទី៥ផងដែរនៅសង្វៀនបាយ័នស្ទឹងមានជ័យ៕