ចង់រៀនផ្នែកព័ត៌មានវិទ្យាមិនខ្វះសាលាទេ សាលាខ្លះថែមរៀនហ្រ្វីទៀតផង

2017-09-12 22:53:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចប់ទី១២ចង់រៀនផ្នែកបច្ចេកវិទ្យាព័ត៌មានវិទ្យាអត់ដឹងថារៀននៅសាលាណាSabay សូមណែនាំសាកលវិទ្យាល័យធំៗដែលល្បីផ្នែកព័ត៌មានវិទ្យាឲ្យបានស្គាល់និងងាយស្រួលសម្រេចចិត្តជ្រើសរើស។

១/ វិទ្យាស្ថានពហុបច្ចេកទេសកម្ពុជា (National Polytechnic Institute of Cambodia)

វិទ្យាស្ថានពហុបច្ចេកទេសកម្ពុជាបានបើកដំណើរការផ្នែកព័ត៌មានវិទ្យាតាំងពីឆ្នាំ២០០៥មក។

សម្រាប់តម្លៃសិក្សាវិទ្យាស្ថានគិតជានិទ្ទេស៖

និទ្ទេស A អាហារូបករណ៍ 100% រយះពេល 4 ឆ្នាំ
និទ្ទេស B អាហារូបករណ៍ 60% រយះពេល 1ឆ្នាំ
និទ្ទេស C អាហារូបករណ៍ 30% រយះពេល 1ឆ្នាំ
និទ្ទេស D និងE បង់ថ្លៃ

តម្លៃសិក្សា ៤០០ ដុល្លារ ក្នុងមួយឆ្នាំ។

ចំពោះនិស្សិតនារីវិទ្យាស្ថាននិងបញ្ចុះតម្លៃ 30% រយៈពេល 4 ឆ្នាំហើយប្រសិនបើនិស្សិតណារៀនពូកែជាប់លេខ១នៅក្នុងថ្នាក់វិទ្យាស្ថាននឹងផ្ដល់អាហារូបករណ៍ ១០០% រយះពេល ៤ ឆ្នាំ។

២/ សាកលវិទ្យាល័យភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច(Royal University of Law and Economics)

សម្រាប់ឆ្នាំសិក្សាថ្មីសាកលវិទ្យាល័យចាប់ផ្ដើមទទួលពាក្យពីថ្ងៃទី១កញ្ញាឆ្នាំ២០១៧រហូតដល់ថ្ងៃចូលរៀន៖

វគ្គទី១ចូលរៀនថ្ងៃទី១៤ខែតុលាឆ្នាំ២០១៧
វគ្គទី២ចូលរៀនថ្ងៃទី២៥ខែវិច្ឆិកាឆ្នាំ២០១៧

@ សិក្សារយះពេល៤ឆ្នាំតម្លៃសិក្សា៖

ឆ្នាំទី១ត្រូវបង់៤៨០ដុល្លារ
ឆ្នាំទី២ទី៣ត្រូវបង់៥៥០ដុល្លារ
ឆ្នាំទី៤ត្រូវបង់៤៥០ដុល្លារ

៣/ សាកលវិទ្យាល័យភូមិន្ទភ្នំពេញ(Royal University of Phnom Penh)

សាកលវិទ្យាល័យភូមិន្ទភ្នំពេញជាសាកលវិទ្យាល័យដែលមានឈ្មោះល្បីល្បាយផ្នែកព័ត៌មានវិទ្យាដែលបានបង្កើតឡើងនៅក្នុងឆ្នាំ១៩៩០។

សម្រាប់ឆ្នាំសិក្សាថ្មីសាកលវិទ្យាល័យចាប់ផ្ដើមទទួលពាក្យពី

ថ្ងៃទី ១២ កញ្ញាឆ្នាំ ២០១៧ រហូតដល់ថ្ងៃទី ៣១ ខែតុលា ឆ្នាំ២០១៧។
ចូលរៀនថ្ងៃទី ០៦ ខែវិច្ឆិកាឆ្នាំ២០១៧

សិក្សារយៈពេល ៤ ឆ្នាំតម្លៃសិក្សា ៥០០ ដុល្លារក្នុងមួយឆ្នាំ។

៤/ សាកលវិទ្យាល័យជាតិគ្រប់គ្រង(National University of Management)

សម្រាប់សាកលវិទ្យាល័យជាតិគ្រប់គ្រងមុខវិជ្ជាបច្ចេកវិទ្យាព័ត៌មានវិទ្យាតាំងពីឆ្នាំ២០០មកហើយក្នុងឆ្នាំសិក្សាថ្មីសាកលវិទ្យាល័យចាប់ទទួលពាក្យ

ថ្ងៃទី២១ខែសីហាឆ្នាំ២០១៧រហូតដល់ថ្ងៃទី៣០ខែវិច្ឆិកាឆ្នាំ២០១៧

@ ការបរិច្ឆេទចូលរៀនថ្ងៃច័ន្ទដល់ថ្ងៃសុក្រ

វគ្គទី១៖ថ្ងៃទី០៦ខែវិច្ឆិកាឆ្នាំ២០១៧
វគ្គទី២៖ថ្ងៃទី០៤ខែធ្នូឆ្នាំ២០១៧

@ ការបរិច្ឆេទចូលរៀនថ្ងៃសៅរ៍ដល់ថ្ងៃអាទិត្យ

ថ្ងៃទី០២ខែធ្នូឆ្នាំ២០១៧

សិក្សារយៈពេល៤ឆ្នាំតម្លៃសិក្សា៥៤០ដុល្លារក្នុងមួយឆ្នាំ។

៥/ វិទ្យាស្ថានជាតិប្រៃសណីយ៍ទូរគមនាគមន៍បច្ចេកវិទ្យា គមនាគមន៍និងព័ត៌មាន (NIPTICT)

បានបើកដំណើរការនៅឆ្នាំ២០១៤។ សម្រាប់ឆ្នាំសិក្សាថ្មីនេះ NIPTICT ផ្ដល់ជូនអាហារូបករណ៍១០០%ចំនួន៦០កន្លែងដោយធ្វើការប្រឡងជ្រើសរើស។

@ចំពោះមុខវិជ្ជាប្រឡងរួមមាន៖

គណិតវិទ្យា
តក្កវិទ្យា
ភាសាអង់គ្លេស
អាហារូបករណ៍ទទួលបានអាស្រ័យលើលំដាប់ពិន្ទុនៃការប្រឡង
អាហារូបករណ៍១០០%រយះ៤ឆ្នាំ
អាហារូបករណ៍៥០%ត្រូវបង់៣០០ដុល្លាររយះ៤ឆ្នាំ
អាហារូបករណ៍៥០%ហើយជានិស្សិតស្រីត្រូវបង់១៥០ដុល្លាររយះពេល៤ឆ្នាំ

ចំពោះសិស្សស្រីសាលាមានអាហារូបករណ៍៥០%ដោយស្វ័យប្រវត្តិ

តម្លៃសិក្សា៦០០ដុល្លារក្នុងមួយឆ្នាំ។

ចុះឈ្មោះប្រឡងចូលរៀនពីថ្ងៃនេះរហូតដល់ថ្ងៃទី២៨ខែតុលាឆ្នាំ២០១៧។ ការប្រឡងខាងវិទ្យាស្ថានទុកពេលមួយអាទិត្យជ្រើសរើសថ្ងៃប្រឡងបន្ទាប់ពីការដាក់ពាក្យ។

៦/ វិទ្យាស្ថានស៊ីតិច(SETEC Institute)

SETECT គឺជាគ្រឹះស្ថានឧត្ដមសិក្សាឯកជនមួយដែលមានឈ្មោះល្បីល្បាញបានបើកដំណើរការតាំងពីឆ្នាំ២០០០។

ចាប់ទទួលពាក្យពីថ្ងៃនេះតទៅចូលរៀននៅថ្ងៃទី៖

- លើកទី១ថ្ងៃទី០៩ខែតុលាឆ្នាំ២០១៧

លើកទី២ថ្ងៃទី២៤ខែតុលាឆ្នាំ២០១៧
លើកទី៣ថ្ងៃទី០៦ខែវិច្ឆិការឆ្នាំ២០១៧

តម្លៃសិក្សា ៧៨០/ឆ្នាំ ហើយការសិក្សាមានរយៈពេល ៤ ឆ្នាំ។

៧/ សាកលវិទ្យាល័យពុទ្ធិសាស្ត្រ

ពុទ្ធិសាស្ត្រក៏ជាសាកលវិទ្យាល័យដែលមានឈ្មោះល្បីល្បាញផ្នែកព័ត៌មានវិទ្យាមួយផងដែរ។សម្រាប់ឆ្នាំសិក្សាថ្មី ២០១៧-២០១៨ ពុទ្ធិសាស្ត្រ៖

ទទួលចុះឈ្មោះចូលរៀនចាប់ពីទី ១១ ខែ កញ្ញា ឆ្នាំ ២០១៧
ចូលរៀនលើកទីមួយនៅថ្ងៃទី ១៦ ខែ តុលា ឆ្នាំ ២០១៧ និង លើកទី២ នៅថ្ងៃទី ០៦ ខែ វិច្ឆិកា ឆ្នាំ ២០១៧
តម្លៃសិក្សា ៦៥០ដុល្លារ /ឆ្នាំ សម្រាប់រយៈពេល៤ឆ្នាំ

@ មានអាហារូបករណ៍សម្រាប់ឆ្នាំសិក្សាថ្មី ២០១៧-២០១៨

និទ្ទេស A អាហារូបករណ៍ 100% រយះពេល 4 ឆ្នាំ
និទ្ទេស B អាហារូបករណ៍ 50% រយះពេល 2ឆ្នាំ
និទ្ទេស C អាហារូបករណ៍ 30% រយះពេល 2ឆ្នាំ
និទ្ទេស D និង E អាហារូបករណ៍20% រយះពេល 2ឆ្នាំ

៨/ សាកលវិទ្យាល័យអាយអាយស៊ី( IIC University of Technology)

សិក្សាលើផ្នែកComputer Science ឬ វិទ្យាសាស្ត្រកុំព្យូទ័រសាកលវិទ្យាល័យបានបើកដំណើរការតាំងពីឆ្នាំ១៩៩៩មកសិក្សារយះពេល៤ឆ្នាំ។

ចូលរៀននៅថ្ងៃទី៖

លើកទី១: ថ្ងៃទី១៦ខែតុលាឆ្នាំ២០១៧
លើកទី២: ថ្ងៃទី២០ខែវិច្ឆិកាឆ្នាំ២០១៧
លើកទី៣: ថ្ងៃទី២២ខែមករាឆ្នាំ២០១៨

ចំពោះការចូលសិក្សាសាលា ក៏មានអាហារូបករណ៍ដែលគិតជានិទ្ទេសសម្រាប់បង់ថ្លៃសិក្សា

និទ្ទេស A មិនបង់ថ្លៃសិក្សារយៈពេល២ឆ្នាំនិងបង់៣៦០ដុល្លារសម្រាប់ឆ្នាំទី៣និង៤
និទ្ទេស B ឆ្នាំទី១បង់២១០ដុល្លារឆ្នាំទី២ទី៣និង៤បង់២៨០ដុល្លារ
និទ្ទេស C ឆ្នាំទី១បង់២៦០ដុល្លារឆ្នាំទី២ទី៣និង៤បង់៣៦០ដុល្លារ
និទ្ទេស D ឆ្នាំទី១បង់៣១០ដុល្លារឆ្នាំទី២ទី៣និង៤បង់៣៦០ដុល្លារ
និទ្ទេស E ឆ្នាំទី១បង់៣៤០ដុល្លារឆ្នាំទី២ទី៣និង៤បង់៣៩០ដុល្លារ

៩/ វិទ្យាស្ថានបច្ចេកវិទ្យាកម្ពុជា (Institute of Technology of Cambodia)

ជាវិទ្យាស្ថានដែលល្បីល្បាញមួយដែលបណ្ដុះបណ្ដាលផ្នែកព័ត៌មានវិទ្យាតាំងពីឆ្នាំ១៩៩៦មក។ ការរៀនមុខជំនាញព័ត៌មានវិទ្យា សិស្សនិស្សិតត្រូវធ្វើការប្រលង។

វិទ្យាស្ថាននឹងចាប់ផ្តើមទទួលពាក្យប្រលងពីថ្ងៃនេះ រហូតដល់ថ្ងៃបិទឈ្មោះធ្វើការប្រឡងគឺនៅថ្ងៃទី៦ខែតុលាឆ្នាំ២០១៧

ការសិក្សាជំនាញព័ត៌មានវិទ្យានៅសាលាតិកណូមានរយៈពេល៥ឆ្នាំ។

១០/ សាកលវិទ្យាល័យន័រតុន(Norton University)

សាកលវិទ្យាល័យNorton ជាសាកលវិទ្យាល័យដែលល្បីល្បាយផ្នែកព័ត៌មានវិទ្យា។

ការទទួលពាក្យចូលរៀនពីថ្ងៃ ១២ កញ្ញាដល់ ២៦ តុលា ២០១៧។ កាលបរិច្ឆេទចូលរៀននៅថ្ងៃ ៣០ តុលា ២០១៧។ តម្លៃសិក្សាសម្រ

១១/ វិទ្យាស្ថានជាតិបណ្ដុះបណ្ដាលបច្ចេកទេស (National Technical Training Institute)

វិទ្យាស្ថានជាតិបណ្ដុះបណ្ដាលបច្ចេកទេសត្រូវគេចាត់ទុកថា ជាគ្រឹះស្ថានអប់រំរបស់រដ្ឋដ៏ឈានមុខគេមួយ ក្នុងការបណ្ដុះបណ្ដាលជំនាញបច្ចេកទេសផ្សេងៗ។ វិទ្យាស្ថានបានបើកបង្រៀនមុខជំនាញផ្នែកវិទ្យាសាស្ត្រកុំព្យូទ័រតាំងពីឆ្នាំ២០១២មកសិក្សារយះពេល៤ឆ្នាំកន្លះ។ វិទ្យាស្ថានចាប់ផ្ដើមទទួលពាក្យពីថ្ងៃនេះទៅចូលរៀននៅថ្ងៃទី០៦ខែវិច្ឆិកាឆ្នាំ២០១៧។

សម្រាប់តម្លៃសិក្សា

ថ្នាក់បរិញ្ញាបត្រ

ឆ្នាំទី១តម្លៃ៣៨០ដុល្លារ ឆ្នាំទី២តម្លៃ៤០០ដុល្លារ ឆ្នាំទី៣និងទី៤តម្លៃ៤៥០ដុល្លារ

១២/ សាកលវិទ្យាល័យមេគង្គកម្ពុជា (Cambodia Mekong University)

សាកលវិទ្យាល័យមេគង្គកម្ពុជាបានបើកបង្រៀនផ្នែកបច្ចេកវិទ្យាព័ត៌មានវិទ្យាដែលដំណើរតាំងពីឆ្នាំ២០០៣មក។សិក្សារយះពេល៤ឆ្នាំដែរសម្រាប់ឆ្នាំសិក្សាថ្មីសាលាចាប់ផ្ដើមទទួលពាក្យពីថ្ងៃនេះតទៅ

ចូលរៀននៅថ្ងៃទី៖

លើកទី១: ថ្ងៃទី១១ខែតុលាឆ្នាំ២០១៧ លើកទី២: ថ្ងៃទី០១ខែវិច្ឆិកាឆ្នាំ២០១៧

សម្រាប់តម្លៃសិក្សាសាលាគិតជានិទ្ទេស៖

និទ្ទេស A បង់ថ្លៃសិក្សា៣២៥ដុល្លារសម្រាប់ឆ្នាំទី១និង២និង១បង់៥២៥ដុល្លារសម្រាប់ឆ្នាំទី៣និង៤ និទ្ទេស B បង់ថ្លៃសិក្សា៣៧៥ដុល្លារសម្រាប់ឆ្នាំទី១និង២និងបង់៥២៥ដុល្លារសម្រាប់ឆ្នាំទី៣និង៤ និទ្ទេស C បង់ថ្លៃសិក្សា៤២៥ដុល្លារសម្រាប់ឆ្នាំទី១និង២និងបង់៥២៥ដុល្លារសម្រាប់ឆ្នាំទី៣និង៤ និទ្ទេស D បង់ថ្លៃសិក្សា៤៨០ដុល្លារសម្រាប់ឆ្នាំទី១និង២និងបង់៥២៥ដុល្លារសម្រាប់ឆ្នាំទី៣និង៤ និទ្ទេស E បង់ថ្លៃសិក្សា៤៩០ដុល្លារសម្រាប់ឆ្នាំទី១និង២និងបង់៥២៥ដុល្លារសម្រាប់ឆ្នាំទី៣និង៤

អត្ថបទ៖ ម៉េងងី